Ўзбекистон республикаси олий ва ўрта махсус таълим вазирлиги ўзбекистон республикаси қишлоқ ва сув хўжалиги

РРеал инвестиция
-бу капитални асосий фондларни такрор ишлаб 
чиқаришга, моддий ишлаб чиқариш заҳираларини қўшимча ўстириш мақсадида 
қўйишдир. Реал инвестиция капитал қўйилмалар дейилади. 
Рентабеллик
-рентабеллик 
қишлоқ хўжалиги ишлаб чиқаришнинг 
иқтисодий самарадорлигини ўзида акс эттирувчи умумлашган кўрсаткич 
ҳисобланади. У фойдаланилган ва истеъмол қилинган ишлаб чиқариш 
ресурслари - меҳнат, ер-сув, моддий ҳамда ишлаб чиқаришни ташкил этиш, 
бошқариш харажатлари орқали етиштирилган маҳсулотдан олинган самаранинг 
миқдор ва сифатини, ишлаб чиқаришни кенгайтирилган тарзда ривожлантириш 
имкониятини, ходимларнинг ўз меҳнатлари натижасидан моддий 
манфаатдорлигини акс эттиради.
Ресурслар салоҳияти-
инсон меҳнати, ер, сув, меҳнат воситаси ва меҳнат
предмети қишлоқ хўжалигида маҳсулотларни ишлаб чиқариш жараёнини
амалга оширувчи зарурий шароит ва омиллардир, бинобарин унинг 
ресурсларидир. Демак, қишлоқ хўжалиги ишлаб чиқариш ресурслари–меҳнат, 
ер, сув ва моддий ресурслар-қишлоқ хўжалик маҳсулотлари ишлаб чиқариш ва 
сотиш жараёнида фойдаланилади ва унинг салоҳиятини (потенциалини) ташкил 
этади.
Рўйхатга олиш
- рўйхатга олиш,яъни ерларни натурада чегаралари 
аниқлангандан кейин мулк қилиб, эгалик қилиш учун, фойдаланишга ва ижарага 
беришни расмийлаштириш ва ҳужжатларини бериш махсус органлар 
қарорлари асосида ўтказилади. Ер участкаларининг ҳуқуқий ҳолатлари ҳақидаги 
маълумотлар ернинг давлат кадастр китобида акс этдирилади ва ер мулки, ердан 
фойдаланиш ва ерни ижарага бериш, ер майдонидан мақсадли фойдаланишнинг 
объектлари ва субъектлари тўғрисидаги маълумотлардан ташкил топади.
ССамарадорлик
- ишлаб чиқаришнинг иқтисодий самарадорлиги 
иқтисодий самаранинг (натижанинг) ресурсларга (харажатларга) нисбати ёки 
аксинча усул билан аниқланади:Меҳнат унумдорлиги ёки меҳнат қайтими 
маълум вақт бирлиги ичида ишлаб чиқарилган маҳсулот миқдорига сарфланган 
жами меҳнат харажатларининг самарадорилигини характерлайди. Ер қайтими 
қишлоқ хўжалигида бош ишлаб чиқариш воситаси ҳисобланган ер 
ресурсларидан фойдаланиш самарадорлигини акс эттиради. Фонд қайтими 
қишлоқ хўжалигига таалуқли асосий ишлаб чиқариш воситаларида 
мужассамлашган, буюмлашган меҳнат харажатлардан қай даражада самарали 
фойдаланаётганлигини кўрсатади. Материал қайтими барча турдаги моддий 
ресурслардан, шу жумладан буюмлашган меҳнат харажатларидан фойдаланиш 
самарадорлигини акс эттиради.