Ўзбекистон Республикаси Олий ва ўрта махсус таълим вазирлиги Ўзбекистон Республикаси транспорт вазирлиги Тошкент давлат транспорт университети

Автоматик бошқарув. Берилган бошқариш мақсадига мувофиқ инсоннинг бевосита иштирокисиз бошқариладиган объектнинг ишлашини таъминлаш ва такомиллаштиришга йўналтирилган ҳаракатлар мажмауасидир. Шакллантирилган мақсадлар нуқтаи назаридан бир нечта бошқарув турлари, яъни автоматик бошқарув тизимлари мавжуд: созлаш, мантиқий бошқариш, оптималлаштириш ва манипулясия қилиш.
Автоматик созлаш – автоматик бошқарув шакли, бу ерда бошқарув мақсади бошқариладиган объектнинг параметр қийматларини берилган даражада сақлаб туриш. Бундай тизимларда бошқарув тизими одатда автоматик регулятор деб аталади.
Берилган созланувчи параметрнинг вақт ичида ўзгариши хусусиятига қараб автоматик созлаш тизими қуйидаги тизимларга бўлинади: автоматик барқарорлаштириш, дастурий созлаш ва кузатиш.  Автоматик барқарорлаш-тириш тизимида берилган қийматлар - доимий, дастурий созлаш тизимида берилган қийматлар маълум қонунга (дастурга) мувофиқ вақт ичида ўзгариб туради, кузатиш тизимида - вақт ўтиши билан олдиндан бошқарув тизимига номаълум равишда ўзгариб туради.
Автоматик сигнал тизимлари назорат параметрларининг чегаравий, критик ва оралиқ қийматларини аниқлаш имконини беради.
Назорат-ўлчов тизимлари назорат параметрларининг ўзгариши мумкин бўлган қийматларини олиш, уларни олдиндан белгиланган қийматлар билан солиштириш ва таққослаш натижаларини кўриш ёки узоқ муддатли сақлаш учун хизмат қилади.
Автоматик диагностика тизими – номаълум объектни таниб олиш ёки маълум объект ҳолатини, кузатиладиган объектлардаги хусусиятларнинг комбинасияси орқали аниқлаш учун ишлатилади. Бир бутун сифатида кўриб чиқилаётган объектнинг кузатиладиган хусусиятлари тўпламига объектнинг тасвири дейилади.
Транспорт машиналарининг автоматик диагностика тизими икки хил муаммони ҳал қиладилар: объектнинг хизматга яроқлилигини тасдиқлаш ёки унинг яроқсизлик жойини ва сабабини аниқлаш; мониторинг натижалари бўйича объектнинг келажакда хатти-харакатини тахмин қилиш. Ҳар икки ҳолатда ҳам диагностиканинг хам тест хам функсионал усуллари ишлатиши мумкин.