Ўзбекистон республикаси олий ва ўрта махсус таълим вазирлиги ўзбекистон миллий университети

Малака талаблари:

• 
  ОТМсида бухгалтерия ҳисобини ташкил этишга оид низомлар ва йўриқномаларни, уни юритиш қоидаларини, жараёнларини расмийлаштириш ва ҳисоб соҳалари бўйича ҳужжатлар айланишини ташкил этиш тартибини;
  
• 
  Пул маблағларини товар моддий бойликлар ҳамда бошқа бойликларни қабул қилиб олиб, кирим қилиш, сақлаш ва сарф қилиш тартибини;
  
• 
  Олий маълумотга эга бўлиши
  
• 
  Дебиторлар ва кредиторлар билан қилинадиган ҳисоб-китоблар пул маблағларини ҳисобдан ўтказиш қоидаларини билиши зарур.
  

Ҳисобчилардан 5 та ходим ойлик маош хисоблаш, 5 та ходим товар моддий айланмалар билан ишлаш, 2 та ходим талабалар билан ишлаш, 1 та ходим дибитор кирилитор билан, 1 та ходим биржа товар харид қилиш бўйича.
Юқорида кўрсатилган ходим Мирзо Улуғбек номидаги Ўзбекистон Миллий Университетида хизмат қилиб келмоқда.

Бухгалтер (тоифасиз, 1,2-тоифа) лавозим вазифалари:
• Бюджетдан ташқари топилган маблағларнинг ҳисоботлари ва ҳисоб-китоб ишларини олиб бориш;
• Шартнома асосида ўқийдиган талабаларнинг контракт тўловларидан тушадиган маблағларни ҳисобга олиш;
• Шартнома бўйича ўқийдиган талабалар учун шартномаларни тайёрлаш.
Билиши керак:
Ўз фаолиятига тааллуқли Низом, йўриқномалар ва меъёрий ҳужжатларни, ОТМси ички тартиб-қоидалари, меъёрий ҳужжатларни билиши;
Малака талаблари:
• Намунавий шахсий фазилатларга-интеллект, маданиятли, ижодий қобилиятлар, хушмуомалалик ва ташаббускорлик қобилиятларига эга бўлиш, масъулият ҳисси, мустақил қарор қабул қилиш хусусиятларига;
• Ўрта махсус маълумотига эга бўлиши зарур.
• Ўз соҳасига тегишли масалалар бўйича ахборот ва маълумотлардан хабардор бўлиши зарур.


Асосий қисм. Амалиёт даврида амалга оширилган вазифалар
Товар-моддий захираларни ҳисобга олиш
Товар-моддий захираларни ҳисобга олувчи счётларда ташкилотга тегишли бўлган ва хизмат қилиш муддати бир йилдан ортиқ бўлмаган ёки бир операцион цикл мобайнида фойдаланиладиган мол-мулклар, жумладан, қурилиш-таъмирлаш материаллари, озиқ-овқат маҳсулотлари, ёқилғи ва ёнилғилар, озуқа ва ем-хашак, тара (идиш)лар, қишлоқ хўжалик маҳсулотлари ва ишлаб чиқариш буюмлари, ўстирувдаги ва боқувдаги чорва моллари, ўқув, илмий ва бошқа мақсадлар учун материаллар ҳамда лаборатория синовида бўлган, узоқ вақт фойдаланиладиган материаллар, шартнома асосида бажариладиган илмий-тадқиқот ишлари учун махсус асбоб-ускуналар ва бошқалар ҳисобга олинади.
Товар-моддий захираларни ҳисобга олишнинг асосий вазифалари қуйидагилардан иборат:

• 
  барча моддий қимматликларнинг бутлигини таъминлаш ҳамда ишлатилиши ва тўғри фойдаланилиши устидан назорат ўрнатиш;
  
• 
  захиралар ва харажатларнинг белгиланган меъёрларини кузатиб бориш;
  
• 
  белгиланган тартибда реализация қилиниши лозим бўлган, фойдаланилмайдиган материалларни ўз вақтида аниқлаш;
  
• 
  ташкилот омборларида мавжуд бўлган қолдиқлар ҳақида аниқ маълумотлар олиш ва ҳ.к.
  

Товар-моддий захиралар қуйидагилар натижасида ташкилотга кирим қилинади:

• 
  етказиб бериш (олди-сотди) шартномаси бўйича харид қилиш;
  
• 
  беғараз келиб тушиш (ҳадя шартномаси бўйича);
  
• 
  узоқ муддатли активлар таркибидан ўтказиш;
  
• 
  ортиқча (ҳисобга олинмаган) товар-моддий захираларни аниқлаш;
  
• 
  ташкилотнинг ўзида тайёрланиши;
  
• 
  қонунчиликда назарда тутилган бошқа ҳоллар.
  

Чиқиб кетаётган товар-моддий захираларнинг қиймати чиқиб кетиш далилини аниқлаш пайтида балансдан ҳисобдан чиқарилиши керак. Товар-моддий захиралар ташкилотнинг балансидан:

• 
  сотиш;
  
• 
  беғараз бериш;
  
• 
  сақлаш муддати тугагач яроқсизлиги сабабли, жисмонан ва маънан эскирганлиги натижасида тугатиш (йўқ қилиш);
  
• 
  камомад, йўқотиш ёки шикастланиш (синиш, бўлиниш) аниқланиши;
  
• 
  бошқа операциялар ва ҳодисалар натижасида ҳисобдан чиқарилади.