Ўзбекистон республикаси олий ва ўрта махсус таълим вазирлиги ўзбекистон миллий университети

Ушбу жадвалда 2017-2021 йилларда таълим хизмати ва сервис соҳаси бўйича белгиланган режа кўрсаткичларининг ижроси қуйидагича:

№	Йиллар	Режа кўрсаткичлари бажарилиши		Режага нисбатан бажарилиши (%)
		Режа бўйича (млн.сўм)	Амалда (млн.сўм)
1	2017	800,4	1732,8	216,5%
2	2018	920,5	2 178,3	236 %
3	2019	2 135,7	2 212,5	104 %
4	2020	3 148,2	4 385,1	139 %
5	2021	3 211,2	6 187,9	193 %

Университетнинг моддий-техник базасини янада ривожлантириш мақсадида хомийлар имкониятларидан фойдаланиш ҳам йўлга қўйилган. Ўтган йил давомида университетда ижара асосида фаолият олиб бораётган корхоналаридан хомийлик асосида ўтказилган маблағлар университетнинг ҳисоб рақамига кирим қилинди.
Шу ўринда таъкидлаш жоизки, университетнинг моддий техник базасини янада ривожлантириш учун ҳомийлар маблағларини кенг жалб этиш, тушган маблағлар ҳисобидан талабалар турар жойларини талаб даражасига келтириш, маиший техникалар ва керакли жиҳозлар билан тўлиқ таъминлаш мухимдир.
Сарфланаётган коммунал харажатлар миқдорини камайтириш юзасидан барча коммунал тармоқларга ўрнатилган ҳисоблагичларни ўз вақтида давлат стандартидан ўтказиб бориш, тармоқларда аниқланган камчиликларни дарҳол бартараф этиш чораларини кўриш лозим.

Амалиёт ўтилаётган ташкилотнинг таркибий тузилиши
Ўзбекистон Миллий Университети "Ҳисоб-китоб бўлими"да университетнинг ҳисоб-китоб ишлари амалга оширилади. Ушбу бўлимда 18 нафар ҳодим бор, шундан 3 таси бош буxгалтер ўринбосарларидир.
Бош ҳисобчи ўринбосарлари: аудитор
Бош ҳисобчи ўринбосарлари: илмий ишлар бўйича
Бош ҳисобчи ўринбосарлари: ойлик маоши бўйича.
Ҳисобчилар
Бош бухгалтер ўринбосари лавозим вазифалари:

• 
  ОТМсида бухгалтерия фаолияти йўналишларидан бири бўйича раҳбарлик ва масъул ижрочиси вазифасини бажариши, кассанинг ишини ва касса операцияларининг юритилишини назорат қилиши;
  
• 
  Банк ҳужжатларини ишлаб чиқиш ва харажатлар сметаси ижро этилишини таҳлил қилиш;
  
• 
  Иш ҳақини, вақтинча меҳнат қобилиятини йўқотганлик варақалари бўйича нафақалар, талабаларга ва изланувчи-стажёр-тадқиқотчи-изланувчиларга стипендиялар тўланишини назорат қилиш ва бунда амалий ёрдам бериш;
  
• 
  Кирим-чиқим ҳужжатлари айланишини назорат қилиш, келиб тушаётган пул маблағлари, товар моддий бойликлар ва асосий воситалар, молия хўжалик фаолияти натижалари, шунингдек, молия, ҳисоб-китоб ҳисоботини олиб бориш, пулларнинг қонуний ўз вақтида расмийлаштирилишини назорат қилиш;
  
• 
  Пул маблағлари, товар-моддий бойликлар ва асосий фондлар рўйхатга олиниши устидан назоратни амалга ошириш;
  
• 
  Пул маблағлари ҳамда товар-моддий бойликлар камомади ва ўғирланиши бўйича ҳужжатларни расмийлаштиришда қатнашиш;
  
• 
  Пулга алоқадор бирламчи ҳужжатлар ва бухгалтерия ҳисоботларини ўз вақтида тайёрланишини таъминлаш.
  

Бош бухгалтер ўринбосари билиши керак:
Ўз фаолиятига тааллуқли Низом, йўриқномалар ва меъёрий ҳужжатларни, ОТМси ички тартиб-қоидалари, меъёрий ҳужжатларни билиши.
Малака талаблари:

• 
  Намунавий шахсий фазилатларга-интеллект, маданиятли, ижодий қобилиятлар, хушмуомалалик ва ташаббускорлик қобилиятларига эга бўлиш, масъулият ҳисси, мустақил қарор қабул қилиш ва иш тутиш, қатъий ҳаракат қилиш, муассаса стратегик мақсадларига эришишни таъминлаш хусусиятларига эга бўлиши;
  
• 
  Олий маълумотга эга бўлиши;
  
• 
  Ўз соҳасига тегишли масалалар бўйича ахборот ва маълумотлардан хабардор бўлиши зарур.