Ўзбекистон республикаси олий ва ўрта махсус таълим вазирлиги ўзбекистон республикаси

Маркетинг ахборот тизими концепцияси

Маркетинг ахборот тизими – инсонлар, техник воситалар ва амалга ошириш услубларидан ташкил топиб, муҳим ва тўғри ахборотни тўплаш, тартибга солиш, таҳлил қилиш, узатиш натижасида маркетинг соҳасида қарор қабул қилувчига самарали ёрдам кўрсатиш вазифасини бажаради. Маркетинг ахборот тизими ўзаро муштарак, боғланган элементлар ва муносабатлар мажмуини ташкил этади.


Маркетинг ахборот тизимининг афзалликлари

Маркетинг ахборот тизими қатор афзалликлар беради:

• 
  Ахборотни уюшган тарзда тўплаш;
  
• 
  Инқироздан қочиш;
  
• 
  Маркетинг режаларини мувофиқлаштириш;
  
• 
  Тезлик;
  
• 
  Миқдорий кўринишда ифодаланадиган натижалар;
  
• 
  Фойда ва харажатлар таҳлили.
  

Ахборот турлари ва уларнинг таснифи






Кластер




Ахборот тўплаш усуллари




Тўпланган ахборотни талқин қилиш ва қайта ишлаш


Маркетинг ахборотини тўплаш, таҳлил қилиш ва манбаларни танлаш жараёнлари кетма-кетлиги




Маркетинг ахборотининг асосий элементлари


Маркетинг ахборотини таҳлил қилиш тизими


Ўзини-ўзи текшириш учун тестлар
1. Маркетинг ахборот тизими фаолиятининг мақсади қуйидагидир:
а) маркетинг режаси тузиш;
б) бошқарув қарорлари қабул қилиш учун ахборот тақдим этиш;
в) корхона бошқаруви томонидан маркетинг концепциясини амалга ошириш.
2. Маркетинг ахборот тизимининг фаолият юритиши учун ташкил этиш зарур бўлган асосий жараёнлар:
а) ахборот тўплаш, қайта ишлаш, таҳлил қилиш, узатиш ва сақлаш;
б) корхонани бошқариш бўйича қарорлар қабул қилиш;
в) маркетинг бошқаруви бўйича қарорлар қабул қилиш.
3. Маркетинг ахборотини таҳлил қилиш тизими қуйидагиларни ўз ичига олади:
а) маълумотлар тўплами;
б) маркетинг ахборот тизими;
в) усуллар ва моделлар банки.
4. Маркетинг ахборот тизими қуйидагилар учун мўлжалланган:
а) тадқиқ этилаётган объект ичида бўлган манбалардан ахборот тўплаш ва қайта ишлаш;
б) мижозларнинг сўровларига самаралироқ хизмат кўрсатиш имконини берадиган, фирма фаолияти хақида жорий ахборот тақдим этиш;
в) бирон-бир муаммони ҳал қилишга имкон берадиган, фирма фаолияти хақида эксклюзив ахборот тақдим этиш.
5. Моделлар банки қуйидаги учун зарур:
а) статистик ҳисоб-китоблар бажариш;
б) бошқарув қарорлари қабул қилишни қўллаб-қувватлаш;
в) коммуникацияларни соддалаштириш;
6.Фирманинг ички муҳитини ўрганиш қуйидагиларни кўзда тутади:
а) унинг фаолиятидаги қонунчилик чекловларини тадқиқ этиш;
б) унинг ишлаб чиқариш-сотув фаолиятини тадқиқ этиш;
в) фирманинг бозордаги имкониятларини тадқиқ этиш.
7. Маркетинг кузатуви қуйидагиларни ифодалайди:
а) ташқи маркетинг ахборот манбаси;
б) ташқ жорий ахборот тўплаш ва қайта ишлаш тизими;
в) маркетинг ахборот тўплаш усули - кузатув.
8. Маркетинг бўйича мутахассислар томонидан бозорни тадқиқ этишнинг қайси кабинет усуллари фойдаланилиши мумкин?
а) танланма кузатув;
б) ёппасига кузатув;
в) телефон орқали сўров;
г) товарни экспериментал сотишни ташкил қилиш;
д) аввалги тадқиқотлар ҳисоботларини таҳлил қилиш.
8. Корхонага магазинда харид қилган харидорлар қисмини фоизларда баҳолаш зарур. Бунда қайси тадқиқот усулидан фойдаланиш мақсадга мувофиқ?
а) кузатув;
б) сўров;
в) эксперимент.
9. Товарни тестдан ўтказиш қуйидагиларни кўзда тутади:
а) лаборатория шароитида эксперимент;
б) дала шароитида эксперимент;
в) лаборатория шароитида кузатув;
г) дала шароитида кузатув.
10. Маркетинг ахбороти олиш усули сифатида кузатувга хос бўлган жиҳат қуйидагича:
а) кузатувчининг ўрганилаётган жараёнда фаол иштирок этиши;
б) тадқиқот ўтказиш учун табиий шароитлардан фойдаланиш;
в) ҳодисаларни пассив қайд қилиш.
11. Одамларнинг магазиндаги хулқ-атворини тадқиқ этишда қуйидаги кузатув шакли кўзда тутилади:
а) лаборатория кузатуви;
б) кабинет кузатуви;
в) дала кузатуви.
12. Имитацион эксперимент қуйидагиларни кўзда тутади:
а) сунъий ташкил этилган шароитларда экспериментал сотув ўтказиш;
б) ҳали яратилмаган товар макетидан фойдаланиш;
в) айрим маркетинг стимулларига истеъмолчилар хулқ-атвори реакцияси математик моделидан фойдаланиш.
13. Фокус-гуруҳ бу:
а) ўзига хос тадқиқот усули бўлиб, маълум бир респондентлар гуруҳини кўп марта тадқиқ этишдан иборат;
б) берилган мавзуни эркин муҳокама қилиш шаклида гуруҳ интервьюсини ифодалайдиган сўров шакли;
в) аниқ берилган тузилма, ўтказиш даврийлиги ва респондентлар доираси чегараланганлиги билан тавсифланадиган сўров тури.
14. Маркетингда иккиламчи маълумотлар бу:
а) қайта текширилган ахборот;
б) иккинчи даражали ахборот;
в) ташқи манбалардан олинган ахборот;
г) ташқи манбалардан олинган ёки дастлаб бошқа мақсадда олинган ўзининг ахбороти.