Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети педагогика ва психология кафедраси

Педагогик техника	ўқитувчига ўқув фаолиятида ҳам зарур бўлган умумий педагогик малакалар мажмуидан ташкил топади
Нутқ маданияти	–нутқнинг адабий тил меъёри мезонларига асосланган муайян бир ҳолда, мантиқ илми талабларига бўйсунган кўринишда намоён бўлишидир. Нутқ тафаккур ва фикрлашда ўзаро мулоқот ёрдамида фикр алмашиш воситасининг ҳар бир киши (шахс)га хос шакли, кўринишидир.
Таксономия	тушунчаси объектларнинг табиий боғлиқликлари ва хусусиятларига қараб, иерархик (кўпбосқичли) тузилиши асосида классификациялаш ва систематизациялаш (тизимлаш)ни англатади
Билиш	категория ўқув материалини эслаб қолиш ва эсга туширишни англатади. Гап ҳар хил шаклдаги мазмун ҳақида бориши мумкин, конкрет фактлардан яхлит назариягача. Бу категориянинг умумий хусусиятига тааллуқли маълумотларни эслаш.
Тушуниш	ўрганган нарсанинг аҳамиятини тушуна олиш қобилиятининг кўрсаткичи бўлиб, ўқув материалини бир шаклдан бошқа шаклга ўтказиш, кўчиришга хизмат қилиши мумкин (масалан, оғзаки шаклдаги ўқув материалини ёзма математик шаклга кўчириш).
Таҳлил (анализ)	бутун нарсани бўлакларга, элементларга бўлиш, бўлаклар градациясини (бўлаклар орасидаги изчиллик), боғланишларни ўрнатиш. Ўқитиш натижалари бунда юқори даражада интеллектуал характерга эга бўлади, чунки материалнинг ички мазмунини ва тузилишини аниқлаш талаб қилади.
Синтез	янги структурага (тузилиш) эришиш мақсадида элементлардан (бўлаклардан) бутун нарсани тузиш. Бунда ўқитиш натижалари ижодий фаолиятни талаб қилади.
Баҳолаш.	Танланган мақсадлар асосида материаллар ва услубларни баҳолаш. Бу категория юқорида қайд этилган барча категориялар бўйича ўқитиш натижаларига эришишни ва шунингдек, баҳоловчи ҳукм чиқаришни назарда тутади.