Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети педагогика ва психология кафедраси

ФСМУ стратегияси. Ушбу технология мунозарали масалаларни ҳал этишда, баҳс-мунозаралар ўтказишда ёки ўқв-семинари якунида (талаба, ўқувчи)ларнинг ўқув машғулотлари ҳамда ўтилган мавзу ва бўлимлардаги баъзи мавзулар, муаммоларга нисбатан фикрларини билиш мақсадида ёки ўқув режаси асосида бирор-бир бўлим ўрганилгач қўлланилиши мумкин [8. – Б. 43].



Технологиянинг тавсифи. Ушбу технология мунозарали масалаларни ҳал этишда, баҳс-мунозаралар ўтказишда ёки ўқув-семинари якунида (талабаларнинг ўқув машғулотлари ҳамда ўтилган мавзу ва бўлимлардаги баъзи мавзулар муаммоларга нисбатан фикрларини билиш мақсадида) ёки ўқув режаси асосида бирор-бир бўлим ўрганилгач қўлланилиши мумкин. Чунки бу технология талабаларни ўз фикрини ҳимоя қилишга, эркин фикрлаш ва ўз фикрини бошқаларга ўтказишга, очиқ ҳолда баҳслашишга, шу билан қаторда ўқувчи-талабалар томонидан ўқув жарёнида эгалланган билимларини таҳлил этишга ва эгалланганлик даражасини аниқлашга, баҳолашга ҳамда талабаларни баҳслашиш маданиятига ўргатади.
Технологиянинг мақсади: Ушбу технология талабаларни тарқатилган оддиий қоғозга ўз фикрларини аниқ ва қисқа ҳолатда ифода этиб, тасдиқловчи далиллар ёки инкор этувчи фикрларни баён этишга ёрдам беради.
Машғулотни ўтказиш тартиби:

• 
  ўқитувчи ҳар бир талабага ФСМУ технологиясининг тўрт босқичи ёзилган қоғоз варақаларини тарқатади ва якка тарибда уларни тўлдиришни илтимос қилади. Бу ерда:
  

Ф-фикрингизни баён этинг;
С-фикрингиз баёнига сабаб кўрсатинг;
М- кўрсатган сабабингизни асословчи мисол келтиринг;
У-фикрингизни умумлаштиринг.

• 
  ўқитувчи талабалар билан баҳс мавзусини белгилаб олади;
  
• 
  якка тартибдаги иш тугагач, талабалар кичик гуруҳларга ажратилади ва ўқитувчи кичик гуруҳларга ФСМУ технологиясининг тўрт босқичи ёзилган катта форматдаги қоғозларни тарқатади;
  
• 
  кичик гуруҳларга ҳар бирлари ёзган қоғозлардаги фикр ва далиллларни катта форматда умумлаштирган ҳолда тўрт босқич бўйича ёзишларини таклиф этилади;
  
• 
  ўқитувчи кичик гуруҳларнинг ёзган фикрларини жамоа ўртасида ҳимоя қилишларини сўрайди;
  
• 
  машғулот ўқитувчи томонидан муаммо бўйича билдирилган фикрларни уммлаштириш билан якунланади³⁵.