Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети педагогика ва психология кафедраси

1. Фаолиятнинг ўзидаги қизиқишдан келиб чиқадиган холат– ички мотивация.
2. Бошқа одамларни ҳурсанд қиладиган холат ёки вазифа – ижтимоий мотивация.
3. Ютуқ мотивацияси – бунда бошқалар билан рақобатлашиш мақсадида вазифаларни яхши бажариш.
4. Кўмакчи мотивация – бунда мотивация рағбатлантириш ёки жазолаш орқали пайдо қилинади”¹⁵.
Ўқитувчиларни инновацион фаолиятга тайёрлаш бир неча босқичда, узлуксиз малака ошириш орқали амалга оширилади.
Дастлаб ўқитувчиларни инновацион фаолиятга психологик жиҳатдан тайёрлигини шакллантириш керак. Бунда ўқитувчи етакчи дидактик принциплардан қуйидагиларни билиши керак: педагогик кўникмаларни эгаллашга эҳтиёж билан ўз фаолиятини ўзгартиришга эҳтиёж ўртасидаги мутаносиблик, педагогик жараёнда субъек ва объектнинг биргаликдаги ижодиёти, янги, шу давргача маълум бўлмаган вазиятлардан чиқиб кета олишлик принциплари.
Иккинчи босқичда психологик-педагогик билимлар ва педагогик маҳорат шакллантирилади.
Демак, илм-фан, техника, ишлаб чиқариш ва технологиянинг ривожланиши таълим тизимида ҳам туб ўзгаришлар содир бўлишига олиб келади. Таълим тизимининг модернизацияси давлат ва жамият малакали кадрларга, шахснинг эса сифатли таълим олишга бўлган эҳтиёжларидан келиб чиққан ҳолда рўй беради.
Таълим амалиётида педагогик технологияларнинг қўлланилиши таълим тизими модернизациясининг таркибий элементи ҳисобланади. Замонавий шароитда таълим-тарбия жараёнларини технологиялаштириш кам куч ва вақт сарфлаган ҳолда кутилаётган натижани қўлга киритишга имкон беради, ўқитиш сифатини яхшилаб, самарадорлигини оширади.
Педагогик инновациялар педагогик фаолиятга янгиликларнинг изчил олиб кирилишини тавсифлайди. Педагогик инновацияларнинг дидактик имкониятларига кўра таълим тизими ва жараёни ривожланиб боради. Ўқитувчининг инновацион фаолияти педагогик жамоани ҳаракатга келтирувчи, олға ундовчи, бунёдкорликка рағбатлантирувчи куч сифатида намоён бўлиб, таълим жараёнининг сифатини кафолатлайди. Шу сабабли ҳар бир ўқитувчи инновацияларнинг моҳиятини тўла тушунган ҳолда ўз фаолиятига изчил татбиқ эта олиши зарур.




Режа:

1. 
   Таълим тизимида инновациялар моҳиятига оид блиц-сўров.
   
2. 
   Жадвал асосида новация ва инновация тушунчаларининг моҳиятини ажратиш
   
3. 
   Кичик гуруҳларда инновация тушунчасининг аҳамиятини ёритувчи “Икки саҳифали кундалик”ни шакллантириш.
   
4. 
   Мавзуга оид топшириқларни схема асосида бажариш.