Ўзбекистон республикаси олий ва ўрта махсус таълим вазирлиги ўзбекистон давлат жисмоний тарбия инстути “спорт менежменти ва иқтисодиёт”

2. Ялпи ички маҳсулотнинг мазмуни, таркибий қисмлари ва ҳаракат шакллари.
Ялпи ички маҳсулот (ЯИМ) – миллий хўжаликларда бир йил давомида вужудга келтирилган ва бевосита истеъмолчиларга бориб тушиши мумкин бўлган тайёр пировард маҳсулот ва хизматларнинг бозор баҳосидаги қийматидан иборат бўлади.
Қўшилган қиймат – бу корхона томонидан ишлаб чиқарилган маҳсулот қийматидан етказиб берувчилардан сотиб олинган ва истеъмол қилинган хом-ашё ва материаллар қиймати чиқариб ташлангандан кейин қолган қисмининг бозор қиймати.
Бошқача айтганда қўшилган қиймат – бу корхона ялпи маҳсулотидан ёки ишлаб чиқарган маҳсулотининг бозор нархидан (амортизация ажратмасидан ташқари) жорий моддий харажатлар чиқариб ташланган миқдорига тенг.
ЯИМ ёpдaмидa миллий иқтиcoдиётдa товар вa xизмaтлap ишлaб чиқapиш йиллик ҳaжмини ҳиcoблaшгa ҳapaкaт қилинaди.
ИММ маълум вақт давомида (бир йилда) мамлакат ҳудудида ишлаб чиқарилган ва истеъмол қилишга тайёр пировард маҳсулот ва хизматларнинг бозор баҳоларидаги қийматидир. У барча ишлаб чиқарувчилар қўшилган қийматлар йиғиндиси сифатида чиқади.
ЯИМ – амортизация йиллик суммаси = СММ
Шундай қилиб, СММ амортизация ажратмаси суммасига камайтирилган ЯИМ сифатида чиқади.
СММ қийматига давлат томонидан ўрнатиладиган эгри солиқлар суммаси киради. Эгри солиқлар корхона томонидан ўрнатиладиган баҳога қўшимча ҳисобланади. Бундай солиқлар оғирлиги истеъмолчи зиммасига тушади ва унинг ҳисобига ўзларининг даромадининг бир қисмини йўқотади. Шунинг учун ҳозирги даврда ҳисоб тизимида СММдан эгри солиқлар чиқариб ташланса миллий даромад (МД) кўрсаткичи ҳосил бўлади деб кўрсатилади.
СММ – бизнесга эгри солиқ= миллий даромад.
Амалиётда ишлаб чиқарилган ва фойдаланилган МД фарқланади. Ишлаб чиқарилган МД – бу янгидан яратилган товар ва хизматлар қийматининг бутун ҳажми. Фойдаланилган МД – бу ишлаб чиқарилган МДдан йўқотишлар (табиий офатлар, сақлашдаги йўқотишлар ва ҳ. к. ) ва ташқи савдо қолдиғи чиқариб ташланган миқдорга тенг.
Миллий дapoмaд - ижтимoий суғурта ажратмаси - кopxoнa фoйдacиra coлиқлap - кopxoнaнинг тaқcимлaнмaйдиraн фoйдacи + ижтимoий тўлoвлap = шаxcий дapoмaд.