Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

 
БОЛАЛАРДА ГЛОМЕРУЛОНЕФРИТНИ ДАВОЛАШДА 
ГЛЮКОКОРТИКОИДЛАРНИНГ
НОЖЎЯ ТАЪСИРИНИ ОЛДИНИ 
ОЛИШ 
 
Бабаназаров Б.Н. 

---

49 
№1 Госпитал педиатрия ноанъанавий даволаш усуллари ва клиник 
аллергология кафедраси 
 
Мавзунинг долзарблиги. 
ЎзР ССВнинг 2008 йил 30 январ 36-сонли 
буйруғига асосан дори воситаларининг ножўя таъсирларини қайд этиш ва 
мониторингини амалга ошириш, дориларнинг салбий таъсирини кўра билиш 
ва олдини олишга қаратилган. Болаларда гломерулонефритни даволашда 
асосий патогенетик даволардан бири глюкокортикоидлар ҳисобланади. 
Михайлов И.Б.(2009) маълумотларига кўра 50-80% гача узоқ муддат 
давомида глюкокортикоидлар қабул қилган беморларда асоратлар 
кузатилган. Шунинг учун глюкокортикоидларнинг ножўя таъсирини олдини 
олиш касалликни даво самарасини оширишга ѐрдам беради. 
Тадқиқот максади
.
 
Болаларда гломерулонефритни даволашда 
глюкокортикоидларнинг ножўя таъсирини ўрганиш ва олдини олиш 
йўлларини тавсия этиш. 
Материал ва услублар.
Тошкент шахар нефрология клиникасида 2010-
2013 йилларда гломерулонефрит билан даволанган 67 та 2 ѐшдан 18 ѐшгача 
бўлган бемор болаларнинг касаллик тарихи таҳлил қилинди. Бунда 
глюкортикостероидларни қабул қилиш давомийлиги ва уларнинг натижасида 
келиб чиқган ножўя таъсирлар ўрганилди. 
 Натижалар
. 67 та гломерулонефрит билан касалланган беморлардан 1 
йилгача преднизолон қабул қилган болаларнинг сони-14 (20,9%), 1-3 
йилгача-31 (46,3%), 3 йилдан ортиқ- 22 (32,8%). Аниқланган ножўя 
таъсирлар: марказий асаб тизими томонидан - депрессия белгилари, психоз 
ва кайфият ўзгарувчанлиги – 23 (34,3%), тана вазнининг ортиши -19 (28,4%), 
Иценго-Кушинго синдромини ривожланиши -9 (13,4%), стероид гастритлар -
25 (37,3%), остеопороз -18 (26,8%) беморларда аниқланди. Ножўя таъсирлар 
асосан 3 йилдан ортиқ преднизолонни қабул қилган беморларда ва 1 йилдан 
ортиқ юқори дозада қабул қилган беморларда кузатилди. Преднизолон қабул 
қилиш натижасида кузатиладиган ножўя таъсирларни олдини олиш учун 
боланинг умумий ахволи динамикада кузатилиши ва давога қўшимча 
омепразол, калъций дори воситалари тавсия қилиш лозим. Марказий асаб 
тизими томонидан аниқланган оғишларни даволаш учун невропатолог 
маслахати ўтказилиши лозим. 
Хулоса
. 
Гломерулонефрит 
билан 
касалланган 
беморларда 
преднизолонни узоқ вақт, юқори дозаларда қабул қилиш натижасида асаб, 
гастродуоденал, суяк тизимлари томонидан салбий ўзгаришлар аниқланди ва 
уларни олдини олиш йўллари тавсия этилди.