Ўзбeкистон рeспубликаси олий ва ўрта махсус таълим вазирлиги

Клиник манзараси
. 
ЎРВИда асосий клиник синдромлар бўлиб умумий интоксикация ва 
катарал синдромлар бўлади. Охиргисининг намоѐн бўлиши ҳар бир 
қўзғатувчи учун специфик бўлган респиратор тракт эпителийси 
шикастланишига боғлиқ: бурун йўллари – ринит; ҳалқум – фарингит; 
ҳиқилдоқ – ларингит; кекирдак – трахеит; бронхлар – бронхит. 
Грипп ва парагрипп. 
Грипп қўзғатувчиси РНКни тутувчи Ortomyxoviride оиласига мансуб. 
Касаллик одам грипп вирусининг учта серотипи – А, В, С серотиплари 

---

351 
томонидан чақирилади. Улар бир-биридан рибонуклеопротеинли компонент 
(С-антиген)нинг комплемент боғлаш хусусиятибилан фарқ қилади. А ва В 
грипп вируслари таркибига специфик гемагглютининлар ва нейраминадаза 
киради. Вирус C таркибида нейраминидаза антигени мавжуд эмас. А 
типидаги грипп вируслари икки босқичли ўзгаришларга учраши мумкин: 1) 
антиген таркибида тез–тез учрайдиган, аммо аҳамиятсиз ўзгаришлар 
(антигенлар дрейфи); 2) кам учрайдиган, аммо тубдан ўзгаришлар 
(антигенларнинг алмашиниши). Б типидаги грипп вируси учун антигенли 
ўзгариш фақат антигенлар дрейфи билан чекланган. Фақатгина битта 
гликопротеин гемагглютинин-эстераза юза антигенига эга бўлган С туридаги 
вируси, А ва Б туридаги грипп вируслари билан солиштирганда, антигенли ва 
бошқа хусусиятларнинг юқори турғунлиги билан ажралиб туради. Унга 
турли ҳужайра тизимларида анча паст репродуктив фаоллик хос. С туридаги 
грипп вирусининг деструктив фаоллиги нейраминат–0–ацетилэстераза 
ферменти билан боғлиқ. А типидаги грипп вируслари биосферада энг кенг 
тарқалган бўлиб, одамлар, қушлар, чўчқалар ва отларда касалликларни 
келтириб чиқаради. Б ва C туридаги грипп вируслари келтириб чиқарадиган 
касалликлар фақат одамлар орасида учрайди. 
Инфекция манбаи бўлиб кучли катарал симптомлари бўлган касал 
одамлар, айниқса касалликнинг биринчи кунларида, шунингдек гриппнинг 
енгил ѐки асимптоматик шаклини бошидан кечираѐтган шахслар 
ҳисобланади. Қушлар ва ҳайвонлар грипп вируслари билан одамларнинг 
инфцирланиш ҳодисалари бор. 
Грипп вирусини юқтириш механизми ҳаво-томчи. Грипп вирусларига 
сезгирлик умумий, бу алоҳидаланган популяцияларда 100% га етади. Умуман 
олганда, аҳолининг касалланиши вируснинг янги антигенлик даражаси билан 
аниқланади. Кам ўзгарган гемагглютинин ва нейраминадазали вируслар 
айланиб юрганида асосан болалар касалланади. 

---

352