Ўзбeкистон рeспубликаси олий ва ўрта махсус таълим вазирлиги

БРОНХ-ЎПКА ДИСПЛАЗИЯСИ. 
Бронх-ўпка дисплазияси (БЎД) – бу узоқ муддатли оксигенотерапия ва 
қаттиқ шароитларда вентиляция туфайли қўпол фиброзли ва эмфизематик 
ўзгаришлар юзага келадиган ўпканинг сурункали касаллиги. 
БЎД – ўпканинг паренхиматоз касаллиги бўлиб, вазни жуда паст 
бўлган болаларда алвеолалар ўсиши ва кичик қон айланиш доираси майда 
томирларининг ривожланиши бузилиши билан тавсифланади. 
БЎД ривожланиш тезлиги сезиларли даражада фарқ қилади – тана 
оғирлиги 2500 г дан ортиқ янги туғилган чақалоқларда 1% дан, ЧНМТ ли 
чақалоқларда 75% гача. 
Таснифи
. 
X қайта кўриб чиқилган КХТга кўра қуйидагилар мавжуд: 
P24. Перинатал даврда ривожланган сурункали нафас олиш касалликлари 
(бронх-ўпка дисплазияси). 
Этиологияси
. 
БЎД ривожланишида муҳим аҳамиятга эга сабабларга қуйидагилар 
киради: 
– чала туғилганлик, етилмаганлик, гестация муддати 32 ҳафтаан кам бўлган 
вақтда туғилган чақалоқлар (сурфактантнинг етилмаганлиги, ўпка 
тўқимасининг такомиллашмаганлиги); 
– қаттиқ тартибда СЎВ/ВВЛ ни узоқ вақт ўтказиш, бу пневмоторакс ва 
интерстициал эмфизема ривожланишига сабаб бўладиган паренхима 
шикастланишига, алфеолаларнинг ѐрилишига олиб келади; 
– кислород концентарцияси 40% дан бўлган оксингенотерапия (фаол 
кислород радикаллари ҳосил бўлиши натижасидаги токсик таъсирлар, улар 
ҳомиладорликнинг 
учинчи 
уч 
ойлигида 
содир 
бўладиган 
супероксиддисмутаза, глютатион-пероксиадаза ва каталазанинг паст 
антиоксидант захираси натижасида алвеоляр аппарат ва бронхиолалар 
эндотелийси шикастланишига олиб келади). 

---

343 
Қисқартирилган шаклда у қуйидагича кўринади: Кислород + Босим + 
Вақт + Ўпкаларнинг етилмаганлиги. 
Касаллик ривожланишининг хавф омиллари: 
– ГМК мавжудлиги; 
– интерстициал эмфизема; 
– ўпка шиши; 
– персистирланувчи фетал қон айланиши; 
– бронх-ўпка патологияга ирсий мойиллик (оқ ирқ, эркак жинси, 
сурфактантнинг В протеини етишмаслиги, ўпкаларнинг сурункали 
носпецияик касалликлари, атопик касалликлар); 
– антиоксидант тизимларнинг етишмаслиги – Е ва А витаминлар («янги 
туғилган чақалоқнинг эркин радикаллари касаллиги» нинг ривожланишига 
олиб келадиган прооксидантларга қаршилик йўқлиги); 
– қорин ичи инфекциялари (ИЛ–1 даражаси сезиларли даражада ошади, бу 
фибробластлар учун ўсиш омили бўлиб, ўпканинг барча тузилмаларини 
фибротик қайта ташкил этилишга олиб келади); 
– ҳомила ва янги туғилган чақалоқ гипоксияси, асфиксияси. 
Патогенез
.
БЎД патогенезида 4 та босқич ажратилади: 
1-босқич (ҳаѐтнинг 1-3-куни) – гиалинли мембраналар, ателектазлар билан 
келган интерстициал ва алвеоляр ўпка шиши; 
2-босқич (ҳаѐтнинг 4-10-кунлари) – эмфизема ва некроз жойларига эга кенг 
тарқалган ателектазлар; 
3-босқич (ҳаѐтнинг 11-30-кунлари) – эмфизема, ателектазлар ва массив 
интерстициал шишлар билан бирга келган алвеоляр паренхиманинг 
атрофияси; 
4-босқич (ҳаѐтнинг 2-ойи) – склероз жойларига эга массив ўпка фибрози.