¤збекистон республикаси олий ва ¤рта махсус таълим вазирлиги

II. Ўз-ўзига ишонч.
Бу шкала бўйича юқори балл (8-10 балл) тўплаган бола паст хавотирликка эга.
Бу шкала бўйича паст балли (1-3 балл) бола ўзига ишонади ва тез хафа бўлади, аразлайди.
Бундай шахс хусусиятининг пастлиги аниқланган болалар ўз муваффақиятсизликларига қаттиқ эътибор беради, бошқаларга нисбатан ўзини кам қобилиятли, кучсиз деб ҳисоблайди, ўз ҳис-туйғуларини ёмон назорат қилади, янги муҳит ва турмуш шароитларига қийин мослашади.
Бу шкала бўйича юқори натижага эга бўлганлар - яхши ижтимоий мослашувчан болалардир.


III. Ҳиссий барқарорлик.
Бу шкала бўйича юқори балл (8-10 балл) тўплаган бола - чидамли, сабр-тоқатли, тез қўзғалувчан ва таъсирчандир.
Паст балли болалар эса (1-3 балл) кўпинча хотиржам, босиқ, кам кузатувчан ва флегматиклардир.
Кучли таъсирланадиган болаларнинг диққат-эътибори бир жойда турмайди, тез ҳаракат қилиб туради.
Бу сифат бўйича паст баҳоланганлар эса босиқлик ва мувозанатлилик билан ажралиб турадилар.
IV. Мустақиллик.
Бу шкала бўйича юқори натижага эга бола (8-10 балл)-мустақил, ҳеч кимга тобе бўлмайдиган, ўз айтганида турадиган, атрофдагилардан устун бўлишга ҳаракат қиладиган болалардир.
Паст кўрсаткичли бола эса (1-3 балл)-кўпроқ таваккал қилади ва лоқайддир.
V. Фаҳм-фаросат.
Бу кўрсаткич бўйича юқори натижа эгалари (8-10 балл) - жиддий, эҳтиёткор, ақлли-заковатли, турли хулоса чиқара оладиган болалардир.
Паст кўрсаткичлилар (1-3 балл) эса - таваккал қилувчилар, лоқайлардир. Улар маъсулиятсиз, авантюрист, ўзига юқори баҳо берувчилардир.
Юқори балл тўплаган болалар эса ўзларини яхши тутишади, хавф-хатардан йироқ юришга ҳаракат қилишади.
VI. Виждонлилик.
Бу шкала бўйича юқори баҳоли (8-10 балл) болалар - виждонли, самимий, буюрилган ишни вақтида бажарадиган, маъсулиятлидирлар.
Паст кўрсаткич эгалари эса —виждонсиз, маъсулиятсиз болалардир.
Шахснинг бу хусусияти инсонларнинг юриш-туриш қоидалари нормаларини бола қандай қабул қилаётганини акс эттиради. Одатда бу шкала бўйича паст кўрсаткичга эга бўлганлар ишонч қозона олмайдиган, ўқитувчи ва ота-оналар билан тез-тез уришиб турадиган болалардир. Юқори баллилар эса тартиб-интизомли, маъсулиятни чуқур ҳис қилувчилардир.


VII. Дадиллик.
8-10 балл юқори кўрсаткич - жасур, қатъиятли, тез қарорга келадиганларга хос, 1-3 балли паст кўрсаткич эгалари - уятчан, ўз иш ва ҳаракатларида иккиланадиганлардир.