Њзбекистон республикаси олий ва њрта махсус таълим вазирлиги

XVIII – XIX асрларда немис мантиқшунослиги

---

42
XVIII – XIX асрлар фалсафий фикрида немис фалсафаси, хусусан унинг
ёрқин вакиллари бўлган И. Кант (1724-1804) ва В.Ф. Гегель (1770-1831) яратган
мантиқий системалар муҳим ўрин тутади. Кантнинг мантиқий қарашлари унинг
«Соф ақл танқиди», «Пролегоменлар», «Мулоҳаза юритиш қобилияти танқиди»,
“Мантиқ” (шогирдининг Кант фикрларини йиғиб тузган тўплами) каби асарларида
баён этилган.
Кант мантиқ фанининг мавжуд анъаналарини ҳисобга олган, Арастунинг
мантиқий таълимотига суянган, шунингдек, Янги даврда бошланган мантиқ
илмини ислох қилиш, давр рухига мос бўлган янги мантиқий системани яратиш
йўлидаги 
бўлган 
уринишларни 
қўллаб-қувватлаган 
ҳамда 
ўзининг
дунёқарашининг, методологиясининг бош принципларидан келиб чиққан ҳолда,
мантиқий таълимотини яратди.
Кантнинг таъкидлашича, мантиқ илмининг ўрганиш объектини ақл,
тафаккур ташкил этади. Унинг негизини, асосий шаклини аpriori тарзда (яъни
субъект тажрибасига кадар) мавжуд бўлган категориялар ҳосил қилади. Улар
умумий ва зарурий ҳарактерга эга. Ана шунинг учун ҳам улар ўрганилаётган
объектлар ҳақида чин билимлар ҳосил қилишга имкон беради. Ақл билан билиш
категориал синтез, яъни хиссий қабул қилиш натижаларини apriori категориялар
ёрдамида таҳлил этиш шаклида мавжуд. Кант фикрича, Арасту асос солган
умумий мантиқ (формал мантиқни Кант ана шундай ном билан атайди) ақлни,
тафаккурни ўрганувчи фан сифатида сақланиб қолиши керак. Лекин у(мантиқ)
Арасту мантиқий талимотига хос бўлган айрим камчиликлардан, хусусан
тафаккур шаклларини охир-оқибатда эмпирик мазмунга эга, тафаккур
қонунларини (принципларини) бир вақтнинг ўзида борлик принциплари, деб
билишдан воз кечиши керак,
Умумий мантик, мутафаккир фикрига мувофик, тафаккур шаклини тоза
холда, яъни унинг «материя»сини ташкил этувчи объектларни фарқ килмаган
холда ўрганиши, ақлнинг, тўғри муҳокама юритишнинг зарурий қонунларини
ишлаб чикиши зарур. Бу қонун - қоидалар ақлий фаолиятнинг формал
принциплари бўлиб, уларсиз тафаккур мавжуд бўла олмайди.
Муҳокама юритишнинг формал қоидалари, ва умуман, формал мантиқ,
мутафаккир назарида, билимларга баҳо бериш, уларнинг мантиқий қийматини
(чин-хатолигини) аниқлашга ёрдам бериш учун мўлжалланган қоидалар
йиғиндиси, яъни канон бўлиши керак.
Кант тафаккур шакллари ўртасидаги алоқаларни таҳлил қилишга алоҳида
аҳамият беради. Хусусан, ҳукмни тушунчалардан ташкил топган мантиқий шакл
сифатида олиб қараб, уни онг тасаввурлари бирлигини хис қилишга имкон
берувчи восита, деб ҳисоблайди. Ўз навбатида, ақлнинг негизини ташкил этувчи
категорияларнинг 12тасини («реаллик», «инкор», «чегара», «тўплам», «яхлитлик»,
«сабабият», «ўзаро таъсир», «имконият», «воқелик», «зарурият» ва бошқалар) шу
даврда кўпчилик тан олган ҳукмнинг 4 та гуруҳга (миқдори бўйича, сифати
бўйича, муносабати бўйича, модаллиги бўйича) ажратилишидан иборат

---

43
классификациядан келиб чиқиб белгилаган.
Кант ҳулоса чиқаришни тушунча ва ҳукмлардан ташкил топадиган
мантиқий шакл сифатида тасаввур қилиб, унинг 2 та турини: бевосита ва
билвосита ҳулоса чиқариш турларини фарқ қилади. Шуни айтиш керакки,
Кантнинг юқорида биз қайд этиб ўтган фикрлари ва бошқа илгари сурган ғоялари
умумий мантиқ (формал мантиқ) нинг ўрганиш соҳасини, предметини нисбатан
аниқрок тасаввур қилишга имкон беради. Унинг мантиқ илми тараккиёти йўлида
қилган буюк хизматларидан бири айнан ана шу билан боғлиқ .
Мантиқ тараққиётидаги бошқа бир хизмати Кантнинг умумий мантиқдан
ташқари янги – трансценденталь мантиқни яратиши билан белгиланади.
Трансценденталь мантиқ ақлни, умумий мантиқдан фарқли ўлароқ, фақат
шакли жихатидангина эмас, балки мазмуни томонидан ҳам олиб ўрганиши керак.
Трансценденталь билим apriori билимларнинг алоҳида шакли бўлиб, у
тасаввурларимизнинг (яққол тасаввурлар ёки тушунчаларимизнинг) фақат
aприори мавжуд бўлишини, қўлланилишини, уларнинг қандай амалга ошишини
тушунишимизга ёрдам беради. Бунда тафаккурнинг мазмуни деганда фикрнинг
эмпирик мазмуни эмас (Кант эмпиризмга бутунлай қарши), балки акл томонидан
ҳосил қилинган мазмуни тушинилади; унинг тажрибага хеч қандай алоқаси йўқ.
Бу мазмун тоза apriori тушунчаларда ифода килинган бўлиб, айнан ана шуларни
ўрганиш трансценденталь мантиқнинг асосий вазифасини ташкил этади.
Биз учун ниҳоятда мавҳум бўлиб туюлган Кантнинг бу мулоҳазасида муҳим
рационал маъно бор. Бу-тафаккурни унинг шакли ва мазмуни бирлигида олиб
ўрганувчи мантиқни яратиш зарурлиги хақидаги ғоясидир.
Бу ғоя немис фалсафасининг бошқа вакили – Гегель томонидан
ривожлантирилди.
Гегелнинг мантиқий қарашлари унинг «Мантиқ фани», «Фалсафаий фанлар
энциклопедияси» китобларида баён қилинган.
Гегел фикрича, фалсафа мантиқ шаклида мавжуд бўлиб, унинг ўрганиш
объекти тафаккур (борлик билан айнан бир бўлган) ташкил этади. Ана шунинг
учун ҳам мантиқ илми умумий мантиқ доирасидан четга чиқади, умумий
борликни ўзида гавдалантирадиган тафаккурнинг энг умумий, зарурий
хислатларини ўрганувчи таълимотга айланади.
Албатта, бу билан мутафаккир умумий мантиқни инкор қилмайди, балки,
аксинча, уни фалсафий билимнинг муҳим бир қисмини, тадқиқот йўналишини
ташкил этади, билишнинг муҳим методларидан бири билан қуроллантиради, деб
ҳисоблайди.
Гегелнинг буюк хизматларидан бирини айнан ана шу умумий мантиқнинг
диалектикага (фалсафага) бўлган муносабати масаласини қўйиши ва ҳал этишга
уриниши, деб билиш зарур.
Гегель Арасту мантиғининг бир қатор муҳим билиш вазифаларини, хусусан,
тафаккур тараққиётини таҳлил этишга ожизлик қилишини таъкидлаб ўтди. У
Кантнинг, умумий мантиқ тафаккур шаклларини «тоза» мантиқий шакллар

---

44
сифатида олиб ўрганиши керак, деган фикрига аниқлик киритади. Унингча, ўзига
ҳар қандай мазмунни қабул қила оладиган соф мантиқий шаклнинг бўлиши
мумкин эмас; ҳар қандай шакл ўз маъносига, мазмунига эга. Умумий мантиқ
тафаккур шаклларини ўрганишда ана шундан келиб чикиши керак. У тўғри
муҳокама юритиш учун зарур бўлган формал қоидаларни ўрганувчи фан сифатида
фалсафий билишнинг қуйи боскичини, бўйсинувчи моментни ташкил этади.
Гегель унинг асосий принципларини, таҳлил этадиган универсал шаклларини,
уларнинг муҳокамани тўғри қуриш ва чин фикрлар ҳосил қилишдаги аҳамиятини
чуқур тадқиқ қилган.
Айниқса, унинг тафаккурнинг универсал шакллари: тушунча, ҳукм, ҳулоса
чиқариш ўртасидаги алокадорликни ўрганишга диалектик тарзда ёндашиши
эътиборга лойиқдир. Диалектика (диалектик мантиқ, фалсафа) фалсафий
билишнинг асосий усули бўлиб, у формал мантиқдан фарқли ўларок, тафаккурни
биринчидан, унинг мазмуни ва шакли бирлигида, иккинчидан, тараққиётида олиб
ўрганади. Бунда тафаккур ўз-ўзидан ривожланадиган моҳият сифатида олиб
қаралади.
Гегель диалектик мантиқнинг формал мантиқ ўрганувчи универсал тафаккур
шаккларидан ташқари яна бир канча муҳим шаклларини: категориялар, ғоялар,
қонунларни ва шу кабиларни ўрганишни таъкидлайди. Унинг муҳим принциплари
сифатида зиддият, абстрактлиликдан конкретликка қараб бориш, тарихийлик ва
мантиқийлик бирлиги кабиларни асослайди.
Гегель фикрича, диалектик мантиқнинг асосий вазифаси хақиқатни
аниқлаш, унга эришиш йўлларини ўрганишдар. Муҳокамани тўғри қуриш унинг
ёрдамчи воситаси бўлиб хизмат қилади. Мутафаккир хақиқатни жараён сифатида
олиб қарайди, уни диалектик метод принциплари асосида тушунтиришга ҳаракат
қилади.
Диалектик мантиқ асосларининг яратилиши, унинг айрим камчиликларига
қарамасдан (масалан, тугал система сифатида қурилиши), Гегелнинг мантиқий
изланишларининг натижаси, унинг мантиқ илми ривожига қўшган буюк
ҳиссасидир.