Збекистон республикаси олий ва ўрта махсус таълим вазирлиги

Оғзаки нутқ кўникмаларини ривожлантириш учун таклиф этиладиган мавзулар:
1-мавзу. «Ўзим ҳақимда»
Талаба ўзи ҳақида, оиласи, ижтимоий келиб чикиши, туғилган йили, манзили, миллати, яқин қариндошлари, ўқиган мактаби, ўқишга кирган йили ва бошқалар ҳақида гапириш ва шу параметрлар бўйича анкеталарни тўлдира олиш кўникмаларига эга бўлиши керак.
2-мавзу. «Кишининг ташқи кўриниши»
Талаба кишининг ташқи кўриниши (бўй-басти, кўзи, соч ранглари, гавда тузилиши, гавда қисмлари номи), кийиниши ва ҳоказоларни тасвирлаб бера олиш қобилиятига эга бўлиши лозим.
3-мавзу. «Менинг дўстим»
Талаба иккинчи мавзу бўйича олган билимларини қўллаган ҳолда ўз дўстини ташқи кўринишини тасвирлаши ва унинг оиласи, ўқиши, ёши, қизиқишлари ва бошқалар ҳақида гапириш имкониятига эга бўлиши керак.
4-мавзу. «Талаба ҳаёти»
Талаба ўз ҳаёти, ўқув машғулотлари, факультети, кун тартиби, ўқийдиган фанлари, талаба жамоат ишларида, спорт мусобақаларида қатнашиши ва бошқалар ҳақида хорижий тилларда маьлумот бера олиши лозим.
5-мавзу. «Университет»
Талаба ўзи таҳсил олаётган олий ўқув юрти, унинг тарихи, факультетлари, ўқитувчилар таркиби, университет ички тартиб-интизоми, ўқув бинолари, кутубхона, лаборатория, спорт заллари ва ҳоказолар ҳақида гапира олиш қобилиятига эга бўлишлари керак.
6-мавзу. «Кун тартиби»
Талаба ўзининг иш куни ва дам олиш куни, кун тартиби, бўш вақгда шуғулланадиган қизиқишлари ва ҳоказолар ҳақида маълумот бера олиши керак.
7-мавзу. «Менинг уйим»
Талаба ўзи яшаётган уйи ёки квартираси, уларнинг жойлашиш манзили, хоналар сони, уларнинг жиҳозлари, мебелларнинг жойлашиш ўрни ва бошқалар ҳақида сўзлай олиш қобилиятига эга бўлиши керак.
8-мавзу. «Тошкент-Ўзбекистон пойтахти"
Талаба Тошкент шаҳрининг майдони, аҳолиси, диққатга сазовор жойлари, саноати, маданият марказлари, илм-фан ривожланишида тутган ўрни, олий ўқув юртлари ва бошқалар ҳақида сўзлаб бера олиши керак.
9-мавзу. “Лондон – Буюк Британиянинг пойтахти”
Талаба Лондон шаҳрининг майдони, аҳолиси, диққатга сазовор жойлари, саноати, маданият марказлари, олий ўқув юртлари ва бошқалар ҳақида сўзлаб бера олиши керак.