Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Ўсишни бошқарувчи моддалар ва микроэлементларни қўллаш. Полиз ўсимликлари маҳсулотдорлиги ўсишини бошқарувчи моддалар ва микроэлементларни сепиш билан амалга ошириш мумкин.
Ўзбекистон иқлим шароитида қовун ва тарвуз экинлари 2-3 дона чинбарг чиқарган босқичида уларга кампозан ва гиделларнинг маҳсулотаси бўлган этефон кислотасининг 40 мг/л контсентратсияли эритмасини пуркаш ижобий натижа бериши ТошДАУ тажриба даласида тасдиқланган. Улар маҳсулот бўладиган оналик гулларининг миқдорини кўпайтириб маҳсулотни оширган. Самарқанд қишлоқ хўжалиги институти тажрибаларида қовун ва тарвузга гетероауксин эритмасини 0,05 фоизли ва 2,4 Д нафтилуксус кислотасининг (НУК) 0,001фоизли эритмаси пуркалганида, уларнинг қурғоқчиликка чидамлилиги ошиб, маҳсулотдорлиги ортганлиги аниқланган. Қовун ва қовоқ ўсимликларига алфа НУК ва гиббереллин кислотасининг 0,015 фоизли эритмаси уч маротаба пуркалганида уларга ижобий таъсир этганлиги Нукус Давлат университети томонидан ўтказилган тажрибаларда аниқланган. Этефон кислотаси (100-400 мг/л контсентратсияси этрел, этефон), триподбензой кислотаси (100 мг/л), маленова кислотаси гидрозити (ТМК-50-200 мг/л), ТУР препарати (500-1000 мг/л), морфоактиван (25-50 мг/л), гиббереллин ва шунга ўхшаш бошқа препаратлар полиз ўсимликларига сепилса, уларнинг маҳсулотдорлиги ортиши ҳақида маълумотлар бор.
Турли хилдаги микроэлементларнинг 0,005-0,05 фоизли эритмалари полиз ўсимликларига сепилганида улар маҳсулотдорлигининг ошишига самарали таъсир қилиши Ўзбекистон сабзавотчилик, полизчилик ва картошкачилик ҳамда бошқа илмий тадқиқот институтларининг кўпгина тажрибаларида исботланган. Бу микроэлементлар эритмасида полиз экинлари уруғлари ивитиб экилиб, ниҳолларига яна шулардан қўшимча равишда сепилса унинг самараси юқори бўлади.
Суғориш. Полиз экинлари Ўзбекистоннинг иссиқ иқлимли шароитида кўп марта суғоришни талаб этади. Аммо тупроқда намнинг ортиқча бўлиши ва етишмаслиги маҳсулотдорлигини камайтириб, мева таркибидаги қанд миқдорини пасайтириб юборади.
Ўзбекистон сабзавотчилик, полизчилик ва картошкачилик илмий-тадқиқот институти мамлакатимизнинг турли минтақаларида полиз экинларини қуйидаги тартибда суғоришни тавсия этади: марказий минтақада 1 га га экилган қовундан 20-25 тонна маҳсулот олиш учун уни 5-6 марта суғориб ҳар суғоришда гектарига 600-700 м³, жанубий минтақада 6-7 марта суғориб, гектарига 700-800 м³ ва шимолий минтақада эса 4-5 марта суғориб, гектарига 500-600 м³ миқдорида сув беришни тавсия этади. Эртапишар навларга сув 1-2 марта кам берилади. Марказий минтақада тарвуздан 30-35 тонна маҳсулот етиштириш учун гектарига 600-700 м³ сув берилиб 6-7 марта, жанубий минтақада 700-800 м³ сув берилиб, 7-8 марта суғорилади. Шимолий минтақада эса 5-6 марта суғорилиб, гектарига 600-650 м³ сув берилади. Эртаги навлар 1-2 марта кам суғорилади. Қовоқларга марказий минтақада 7-8 марта 650-750 м³ дан сув, жанубда 8-9 марта 700-800 м³ дан ва шимолда 6-7 марта 600-650 м³ дан сув қуйилади.
Полиз экинлари асосан эгатлар орқали сув оқизиб суғорилади. Эгатлар узунлиги ва чуқурлиги тупроқнинг сув ўтказувчанлик хусусиятига боғлиқ. Суғориш эгатлари оралиғидаги масофа 1,8-3,6 м бўлиб, суғориш вақтида пушталар секин-аста захлайди. Шунинг учун полиз экинлари текис ерда етиштирилганида 2 кеча-кундуз ва қия (нишаб) ерларда эса 3 кеча-кундуз мобайнида суғорилади. Полиз экинлари экилган майдон шу усулда суғорилса тупроқнинг 60 см қалинликдаги қатлами яхши захлайди.