Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Ерқалампири – илдиз тизими қишловчи кўп йиллик ўтсимон ўсимлик ва ҳар-йили илдиз ёнидаги барглари ва поялари қайта кўкарувчи бир-йиллик ўсимлик.
Илдиз ва баргларида минерал тузлар, дармондорилар (30-50 мг%) С дармондориси ва ерқалампирига ўткир таъм берувчи глюкозид минерали бор. Ерқалампири илдизида 30-35% қуруқ модтса, 14-16% крахмал, 10-11% қанд мавжуд. Қирғичдан ўтказилган илдизи овқатга зиравор сифатида солинади, яшил барглари тузлашда ва сабзавотларни консервалашда фойдаланилади. Ерқалампири ошқозон касалликлари ва оғриқ қолдирувчи восита сифатида ишлатилади. Ерқалампирининг «Вилковский» нави етиштирилади.
Ерқалампири – совуққа чидамли ўсимлик, намга талабчан. У унумдор, органик моддаларга бой, енгил тупроқларда яхши ўсади. Ўғитларга нисбатан талабчан. Ерқалампири экишга мўлжалланган учусткаларига кузда гектарига 30-40 т гўнг ва 5-6 тс суперфосфат, баҳорда 1,5-2 тс аммиакли селитра чиқарилади. Ерқалампири экишдан олдин ерга жуда чуқур (30-40 см) ишлов берилиши шарт. Ерқалампири экиладиган ер тупроғи чуқур қилиб ҳайдайдиган механизм ёрдамида амалга оширилади.
Ерқалампири илдизининг вегетатив қисмидан кўпаяди. Ён томонларидаги илдизлари кесиб олинади ва узунлиги 25-30 см қилиб қирқилади. Бундай қаламчалар қишда хандақларда ёки подвалдаги қумга кўмиб сақланади. Феврал охиримарт бошида қаламчаларни эгатларга тик ҳолда экилади. Бунда қатор ораларини 80-90 см, ўсимликлар оралиғини эса 25-30 см қилиб экилади. Ерқалампири ўсув даврида 8-10 марта суғорилади, қатор оралари 3-4 култиватсия ва 1-2 чопиқ қилинади.
Ерқалампирининг йирик қаламчалари экилганда маҳсулотини биринчи-йилиёқ, кузда, майдаси экилганда эса иккинчи-йили олиш мумкин. Йиғиштириб олиш ишлари октабрноябр ойида илдизни плуг ёки лавлаги қазгич ёрдамида кавлаш йўли билан амалга оширилади. Бир-йиллик ерқалампирининг маҳсулотдорлиги гектаридан 8-10 т, икки-йиллигиники эса – 15-20 т. Ерқалампири барглари ва илдизини ташиш учун яшиклар ва полиэтилен қопчалардан фойдаланилади. Уларга баргларни зич қилмасдан, илдизини эса зич қилиб жойлашади. Ерқалампирини сабзавот омборхоналарида устига қум сепиб саҳланади.
Кейинги-йилларда янги сабзавот ўсимлиги ўстирила бошланади. Бу чўл қатрони бўлиб, у ўзининг морфологик кўринишлари, химиявий таркиби, ташқи муҳитга муносабати билан ерқалампирига жуда яқин туради. У кўп-йиллик ўсимлик, ерқалампири каби карамсимонлар оиласига мансуб. Қатрон ерқалампирига ўхшаб етиштирилади ва фойдаланилади.