Ўзбекистон республикаси олий ва ўрта махсус таълим вазирлиги урганч давлат университети «технология асослари» кафедраси

16-Маъруза. Қадоқлаш ва ювиш жихозларини таъмирлаш
Режа:

1. Қадоқлаш ва қуйиш жиҳозларини таъмирлаш

2. Транспорт воситаларини таъмирлаш.
3. Идиш ювиш машиналарини таъмирлаш.
4. Шнекли прессларни таъмирлаш


Қадоқлаш ва қуйиш жиҳозларини таъмирлаш
Флягаларга қўйиш машиналари тақсимлагич юлдузча валда буралиб кетиши мумкин. Бунда юлдузча очилиб унинг конусли втулкасининг вал конусига тегиши кўздан кечирилади. Юлдузча конусдан махсус съёмник ёрдамида ажратилади. Бунинг учун қисиб турувчи қалпоқчали гайка очилади ва унинг ўрнига съёмник буралади, сўнгра съёмник винти буралиб, юлдузча валдан ажратилади.
Қуйиш машинасининг тез ейилувчи детали: понасимон тасма, зичлагич ҳалқа, прокладка, занжир, подшипник.
Шиша идишларга қуйиш машиналарини таъмирлашда асосан саноат усулида тайёрланган эҳтиёт қисмлар ишлатилади.
Автомат дастлаб гуруҳларга, сўнгра йигма бирликларга ва ниҳоят деталларга ажратилади. Нуқсонли деталлар тикланади ёки янгисига алмаштирлади, сўнгра механизм ёки йигма бирликлар гуруҳи йигилиб, созланади, синалади, сўнгра навбатдаги механизмни ажратишга киришилади.
Шиша идишларни ювиш машина техник ҳолатига боглиқ ҳолда йилига бир марта капитал таъмирлашга очилади. Бунда барча ташиш қурилмалари очилиб, аниқ нуқсонлар бартараф қилинади: пайванд чоклари, пачоқланган жойлар.
Ейилган роликлар ва ролик бармоқлари алмаштирилади. Тишлар иланишлар бўяш йўли билан текширилади. Редуктор ейилган деталлари алмаштирилади.
Насослар иш гилдираги, қопқоқ, корпуси, подшипник, цапфа ва салниклари текширилади.
Идиш юклаш механизмида занжир трассаси ва юклаш акумлятори, барча филтр ва соплолар ҳолати текширилади. Йиртилган сетка ва ейилган соплолар алмаштирилади.
Машинага керосин, бензин ва бошқа эритувчилари ҳиди ўтириб қолмаслиги учун барча деталлар таъмирдан сўнг ишқор эритмаси билан ювилади.
Ажратилган деталларни эхтиёт қилиш мақсадида уларга ёгоч ёки бошқа юмшоқ прокладкалар орқали зарба бериш лозим.
Ўзгариб турувчи юклама таъсирида бош транспортёр етакчи вали қўққисдан синиб қолиши мумкин. Вални тиклаш учун унинг синган учларида тешик пармаланади, уларга пўлат стерженлар прессланади ва валнинг синган бўлаклари пайвандланади. Юлдузчанинг синган тишлари металл пайвандлаш ва механик ишлов бериш йўли билан тикланади.
Масленкалар резбаси ейилганда катта ўлчамли резба чиқарилади ва ўтиш штуцери ўрнатилади.