Ўзбекистон республикаси олий ва ўрта махсус таълим вазирлиги умиров С. Э., Қодиров З. З

Клиник эпидемиологиянинг вазифалари: 
• 
янги касалланиш ҳолатларини ва уларнинг тарқалганлигини, шунингдек 
аҳоли ўртасида ўлим даражасини камайтиришга йўналтирилган превентив 
муолажалар учун илмий асосланган замин ишлаб чиқиш мақсадида 
касалликларнинг этиологиясини ёки уларни ривожлантирувчи хавфли 
омилларни аниқлаш;  
• 
муолажаларнинг муҳофазалаш (бирламчи, иккиламчи ва учламчи 
муҳофазалаш) таъсирини баҳолаш мақсадида касалликларнинг табиий 
кечишини ва прогнозини, ҳамда касалликлар кечиши мазкур муолажалар 
тадбиқ этилгач табиий кечишдан қай даражада тафовут қилишини ўрганиш; 
• 
тиббий ёрдам кўрсатишнинг янги моделларини, янги превентив ва даво 
тадбирларини баҳолаш; 
• 
муолажаларни, тиббий хизматни ва мутахассислар тайёрлашни 
режалаштириш мақсадида касаллик кўламини, яъни жамият учун етказаётган 
зарарини баҳолаш. Саломатлик кўрсаткичларининг тенденциясини кузатиб 
боришни (мониторингини) амалга ошириш; 
• 
соғлиқни сақлаш соҳасидаги сиёсатни режалаштириш, турмуш тарзи ва 
ташқи муҳит билан боғлиқ муаммоларни бартараф этиш борасидаги 
қарорларни қабул қилиш учун асос яратиш.  
Асосий эпидемиологик атамалар ва тушунчалар 
• 
касалланишнинг янги ҳолатлари миқдори (частотаси) ва тарқалганлик 
кўрсаткичи; 
• 
популяция ва танланма; 
• 
хавфлар, имкониятлар (шанслар), нисбий хавф ва бошқа хавфлар, 
имкониятлар нисбати, хавфли омиллар, хавфларнинг белгилари, 
омилларнинг ўзаро таъсири; 
• 
алоқадорлик (ассоциация), сабабкорлик; 
• 
тасодифий ва тизимли хатоликлар, аралашиб қолувчи омиллар 
(конфаундинг).
 

---

2-
БОБ. АҲОЛИ КАСАЛЛАНГАНЛИГИНИ ТАВСИФЛОВЧИ 
ЭПИДЕМИОЛОГИК КАТТАЛИКЛАР