Ўзбекистон республикаси олий ва ўрта махсус таълим вазирлиги тошкент давлат иқтисодиёт университети «халқаро туризм» факультети

Битирув малакавий иши мавзусининг ўрганилганлик даражаси.
Маркетинг концепцияларидан фойдаланиш муаммоларига хорижлик олимлар Ж-Ж. Ламбен, Д. Аакер, Г. Ассэль, Ф. Котлер ва бошқаларнинг илмий изланишлари бағишланган. Уларда бозор иқтисодиёти шароитида концепциялардан фойдаланиш, стратегик ривожланиш йўлларини аниқлаш, амалга ошириш методологияси, амалиёти ҳар томонлама ва кенг тарзда ёритилган.
Мустақил давлатлар ҳамдўстлиги мамлакатлариниг етакчи маркетолог олимлари Н.М. Владиславлев, Е.П. Голубков, Д.Т. Новиков, А.Н. Романов кабиларнинг илмий ишларида маркетинг концепцияларини аниқлаш, белгилаб олиш масалалари атрофлича тадқиқ этилган. Бироқ, уларнинг изланишларида айрим тармоқлар, шунингдек, маъсулияти чекланган жамиятларининг минтақавий шароитлари ва хусусиятларидан келиб чиққан ҳолда стратегик ривожланишни амалга ошириш чуқур акс эттирилмаган.
Ўзбекистонда истеъмол товарлари бозори, корхоналар, маъсулияти чекланган жамиятлари иқтисодиётига бағишланган илмий изланишлар билан республикамизда А.Ш. Бекмуродов, Ш.Ж. Эргашходжаева, Ж.Ж. Жалолов, М.А. Насриддинова, А.А. Фаттоҳов каби олимлар шуғулланмоқдалар.
Хуллас, республика корхоналарини бошқаришда маркетинг концепцияларидан фойдаланиш масалалари етарли ўрганилмаганлиги битирув малакавий ишининг мавзуси, мақсад ва вазифаларини белгилаб берди ва ушбу масалага БМИ даражасида ёндашишга асос бўлди.
Битирув малакавий ишининг мақсади ва вазифалари.
Битирув малакавий ишнинг мақсади бўлиб, маъсулияти чекланган жамиятларини экспорт салоҳиятини оширишда замонавий маркетинг концепцияларидан фойдаланиш шарт-шароитларини ўрганиш, айниқса маркетинг концепцияларини белгилаб олиб, фойдаланишда маркетинг воситаларидан самарали фойдаланишнинг илмий-амалий асосланган тавсияномаларни ишлаб чиқишдан иборатдир. Битирув малакавий ишининг асосий вазифалари қуйидагилардан иборатдир:
-маъсулияти чекланган жамиятлар фаолиятида маркетинг элементлардан фойдаланиш масалаларини ўрганиш;
-маъсулияти чекланган жамиятларини бошқаришнинг ўзига хос томонларини ўрганиш;
-маъсулияти чекланган жамиятларида маркетинг концепцияларидан фойдаланиш йўлларини ўрганиш.