Ўзбекистон республикаси олий ва ўрта махсус таълим вазирлиги тошкент кимё – технология институти

Назорат саволлари

1. 
   Диен углеводородлардаги қўшбоғлар ўрни уларнинг кимёвий хоссаларига таъсир қиладими?
   
2. 
   Нефт газларидан 1,3-диенларни қайси усул билан олинади?
   
3. 
   Коньюгацион диенлардаги қўшбоғларнинг ўзаро таъсирлашуви нимадан иборат?
   
4. 
   1,3-диенларнинг тузилишини қайси реакция ёрдамида аниқлаш мумкин?
   
5. 
   Синтетик каучик биринчи марта нимадан, қандай қилиб синтез қилинган?
   
6. 
   Синтетик каучуклар фақат углеводородлардан олинадими? Тегишли мисоллар келтиринг.
   
7. 
   Каучукни вулканлаш жараёни нимадан иборат?
   
8. 
   Синтетик каучук сифатини яхшилаш учун нималардан фойдаланилади?
   
9. 
   Каучукнинг «қариши» сабаблари нимада ва унга қарши нималар қилинади?
   
10. 
    Икки молекула ацетонни конденсация йўли билан қайси диенни синтез қилиш мумкин? Тегишли реакция тенгламалари келтирилсин.
    

Таянч сўз ва иборалар
Зич қўшбоғли, узвий боғли, айрим қўшбоғли, кумуляцион, изоляцион диен, бутадиен-1,3, изопрен, пинакон, хлоропрен, 1,3-диенлар, 1,4-бирикиш, Дильс-Альдер реакцияси, «Диен синтез», боғ тартиби, динамик эффект, ингибиторлик, эластик, каучукни вулканлаш, полихлоропрен, 2-метилбутадиен, диметилбутадиен.


2.4. Ацетилен углеводородлари (Алкинлар)
Маъруза режаси:

1. 
   Изомерияси, номлиниши ва олиниш усуллари.
   
2. 
   Физик ва кимёвий хоссалари.
   
3. 
   Муҳим вакиллари.
   

Ацетилен углеводородларининг умумий формуласи С_nH_2n-2 бўлиб, уларнинг тузилишида – С  С – боғланиш мавжуд бўлади. Бунда углерод-углерод орасидаги боғланишга сарф бўлган электронлар sp-гибридланган ҳолатда бўладилар. Ацетилен углеводородларининг дастлабки вакили ацетилен СН  СН дир.
Изомерияси ва номенклатураси. Ацетилен углеводородларида структура изомерияси С₄Н₆ дан бошланади. Ацетилен углеводородлари изомерларининг сони этилен углеводородлариникига нисбатан кам, тўйинган углеводородларникига нисбатан эса кўп. Масалан, углеродлари сони 8 га тенг бўлган тўйинган углеводородлар изомерларининг сони 18 га, этилен углеводородлариниг сони 66 га, ацетилен углеводородлари изомерлари сони эса 32 га тенг. Бунинг сабаби ацетилен углеводородларида структура изомерияси мавжуд ва уларда учбоғнинг жойлашувига нисбатан ҳам изомерлар ҳосил бўлади. Шунинг учун улар изомерларининг сони тенг углерод сақловчи тўйинган углеводородларникига нисбатан кўп. Аммо уларда фазовий изомерия мавжуд эмас.
Ацетилен углеводородлари асосан рационал ва систематик номенклатуралар асосида номланади. Систематик номенклатура бўйича номлашда уларнинг номи ацетилен углеводородларига мос келадиган (яъни углерод атомларининг сони тенг бўлган) тўйинган углеводород иони охиридаги –ан қўшимчаси –ин қўшимчаси билан алмаштирилади. Учбоғ ва радикалларнинг ҳолати рақамлар билан кўрсатилади.

№	Ацетилен углеводородининг тузилиши	Рациональ номенклатура бўйича номи	Систематик номенклатура бўйича номи
1 .