|
Таянч иборалар
- Туристик ҳужжатлар
- Туристик фирмадаги услубий таьминот
- Асосий туристик ҳужжатлар мажмуйи
- Тур технологик ҳужжатлар тўплами
Назорат ва мулоҳаза саволлари
1. Туристик ҳужжатлар деганда нимани тушунасиз?
2. Туристик фирмадаги услубий таьминот нималардан иборат?
3. Асосий туристик ҳужжатлар мажмуйи ҳақидаги фикрингиз қандай?
4. Тур деб нимага айтилади?
5. Турнинг технологик ҳужжатлари тўпламида нималарга эътибор берилади?
6. Йўналишнинг технологик харитаси нима?
7. Туристик саёҳат йўлланмасидаги ахборот варақаси нима?
8. Мижоз - турагент ўртасидаги шартнома ҳақидаги фикрингизни ифодалаб беринг?
9. Туристлар учун зарурий ҳолларда (масалан, эпидемия ҳудудлари учун) тузиладиган эслатма матни нима учун керак?
10. Реклама вариантлари ва буклетлари ҳақида нималарни биласиз?
Фойдаланилган адабиётлар
1. Ўзбекистон Республикаси Олий Мажлисининг 1999 - йил 20 - августда қабул қилган "Туризм тўғрисида"ги Қонуни.
2. Основы туристский деятельности (Учеб. пособие). Составитель Ильина Е.Н. -М.: Советский спорт, 2000 г.
3. Биржаков М.Б. Введение в туризм.Санкт - Петербург, 2000 г.
4. Гуляев В.Г. Правовое регулирование туристической деятельности. -М.: 1998 г.
5. Г.Назарова , М.Мирзаев. Туризм ҳуқуқи. Талкин. -Тошкент, 2003 й.
6. Tourism and Poverty Alleviation - Recommendations for Action.WTO. 2004.
7. Rural Tourism in Europe: Experiences, Development and Perpectives.WTO. 2004.
Хулоса
Мазкур ўқув қўлланмага якун ясаб шуни айтиш мумкинки, "Туризм асослари" фани мутахассислик фанларининг дебочаси - алифбосидир. Биз ушбу фанда туризм фаолиятида эндигина бошланадиган ва учрайдиган масалаларни - мавзуларни, ҳатто тушунчаю атамаларни ўрганиб чиқишга ҳаракат қилдик. Хусусан, туризм тушунчаси ва унинг тарихи масаласи - бу жуда катта ва долзарб аҳамиятли мавзудир. Инсоният тарихи, саёҳати, дам олиши - ушбу мавзунинг асосини ташкил этади. Ўтмишда минглаб одамлар турли мақсадларда ўзга ҳудудларга бориб, саёҳатчи деган номга мушарраф бўлганлар. Бунга тарих гувоҳ. Қанчадан - қанча саёҳатлар, экспедициялар, кўчиб юришлар, савдогарлик, зиёратчилик тарихи манбаалари туфайли улар ҳақида маълумотга эга бўламиз. Халклар ўтмиши, меросидан эса унга ажойиб жавобларни оламиз. Бирон - бир адабиёт йўқки, унда шу сингари маълумотлар тўлиқ ҳолда берилган бўлсин. Биз ҳам имкони қадар ўрганиладиган масалаларга ўтмишдан манбаалар излаб топишга ҳаракат қилдик.
''Туризм асослари" фанини ёритиш жараёнида туризмнинг мақсадларига алоҳида аҳамият қаратдик. Чунки, мақсадсиз туризм бўлмайди. Уни ўрганиш муҳим масала ҳисобланади. Шунингдек, туризмнинг ташкилий тузилиши ва асосий категориялари мавзуси мазкур фан нуқтаи - назаридан қаралганда лозим бўлган мавзулар қаторига киритилди. Ички ва халқаро туризм, режали ва ҳаваскор туризм, якка ва гуруҳли туризм ҳақида машғулотлар олиб боришга ҳам эътибор каратилди.
"Туризм асослари" фанида туризм турлари ва асосий кўринишлари мавзусига ўзига хос тарзда ёндашилди. Туризмнинг қандай турлари бор, - деган саволга ушбу мавзудан жавоб олишимиз мумкин. Унда республикамизда туризмнинг асосан қайси турлари равнақ топганлиги баён этилади.
Ўқув қўлланмада турист тушунчасининг моҳиятини очиб беришга ҳам ҳаракат қилинган.
Маълумки, туризм фаолияти қатор соҳалар билан биргаликда ташкил этилади. Масалан, меҳмонхоналар, ресторанлар, транспорт ва бошқалар. Туристик индустрия мавзусида ушбу масалалар ўрганилишига эътибор берилган.
Биламизки, республикамизда туризм инфратузилмаси буткул юқори даражага эришмаган ва бу жараён доимий жараёндир. Қўлланмада бу ишга алоҳида ёндашилган.
Ўқув қўлланмада туристик хизматлар мавзусига алоҳида ўрин ажратилган. Туризм турли хизматлардан ташкил топади : ташиш, жойлаштириш, овқатлантириш ва бошқалар. Бу энг муҳим мавзуларимиздан биридир.
Турист саёҳати давомида борилган жойда бирон - бир совға сотиб олади. Бу туристик товарлар мавзусида акс эттирилган.
Туризм бозорида туристик (тур) маҳсулот сотилади. Мазкур тур маҳсулот тушунчаси нимани англатади ва тур маҳсулотни янгилаш жараёнлари ҳақида нималарни билишимиз кераклиги ҳам ўқув қўлланмадан жой олган.
Шуларни алоҳида такъкидлаб ўтиш керакки, туристик ресурслар бўлмаса, туризм ҳам бўлмайди. Тур ресурслар - туризмнинг юраги, қон томиридир. Табиий иқлим, тарихий - маданий, маиший ресурслар шулар жумласидандир. Булар-ни эътиборга олиб туристик ресурслар мавзуси киритилган.
Шунингдек, ўқув қўлланмада экология ва туризм, миллий парк ва резервациялар, туристик саёҳатлар хавфсизлигини таъминлаш, туристик суғурта, туристик хужатлар мавзуларини ҳам имкони қадар ёритиб беришга ҳаракат қилинган.
Ўйлаймизки, "Туризм асослари" ўқув қўлланмаси мутахассислар учун муҳим манбаа бўлиб қолади ва келгусида янгиланишда давом этади.
Do'stlaringiz bilan baham: |
