Ўзбекистон республикаси олий ва ўрта махсус таълим вазирлиги тошкент давлат иқтисодиёт университети туризм асослари

Таянч иборалар
- Туристик хизматлар таркиби
- Туристик маҳсулотлар
- Туристик ишлар
- Маиший хизматлар
Назорат ва мулоҳаза саволлари
1. Туристик хизматлар деганда нимани тушунасиз?
2. Маиший хизматлар қайсилар?
3. Туристик ишлар нималардан иборат?
4. Туристик маҳсулотларни санаб беринг?
5. Ташиш хизмати нима учун керак?
6. Овқатлантириш тизими қандай?
7. Экскурсия хизматини ким томонидан ва нима учун кўрсатилади?
8. Ўйинларнинг туризм хизматида тутган ўрни борми?
9. Туристик саёҳат якуни ҳақидаги фикрингиз қанақа?
10. Концертлар, томошалар ва спорт ўйинларини тур пакетга киритиш мумкинми? Нима учун?


Фойдаланилган адабиётлар
1. Ўзбекистон Республикаси Президентининг 1992 - йил 27 - июлдаги ''Ўзбектуризм"МКни ташкил этиш тўғрисида"ги Фармони.
2. Ўзбекистон Республикаси Президентининг 1995 - йил 2 - июндаги "Буюк ипак йўли"ни қайта тиклашда Ўзбекистон Республикасининг иштирокини авж олдириш ва республикада халқаро туризмни ривожлантириш борасидаги чора -тадбирлар тўғрисида"ги Фармони.
3. Ўзбекистон Республикаси Президентининг 1999 - йил 15 - апрелдаги "2005 - йилгача бўлган даврда Ўзбекистонда туризмни ривожлантириш Давлат дастури тўғрисида"ги Фармони.
4. Ўзбекистон Республикаси Олий Мажлисининг 1999 - йил 20 - августда қабул қилган "Туризм тўғрисида"ги Қонуни .
5. Основы туристской деятельности (Учеб.пособие). Составитель Ильина Е.Н. -М.: Советский спорт, 2000 г.
6. Биржаков М.Б. Введение в туризм. Санкт - Петербург, 2000 г.
10 - мавзу. Туристик товарлар
10. 1. Туристик товарлар ҳақида тушунча
10. 2. Давлат божи олинмайдиган товарлар


10. 1. Туристик товарлар ҳақида тушунча
Туристик товарлар деганда - моддий таъминот буюмлари, ёдгорликлар, совғалар ва турист учун зарур бўлган бошқа нарсалар тушунилади. Турист жуда кўп миқдордаги буюмларни қабул қилади ва сотиб олади. Товарнинг тоифаси туризмда саёҳатнинг характерига ва туризмнинг хилма - хиллигига боғлиқ. Асосийсини шахсий эҳтиёж талаб этадиган товарлар эгаллайди. Шунингдек, спорт анжомларига бўлган талаб ундан кейинда туради.
Пул сарфлашнинг кенг тарқалган усули, саёҳатнинг асосий мазмуни бу роҳат - ҳаловат топишдир. Ҳатто ўзига тўқ одамлар ҳам пулни саёҳат учун тўплайдилар ва уни саноқли кунларда дам олишга сарфлайдилар. Турист ўзи учун одатий бўлмаган жойларни, шаҳар ва мамлакатларни кўришни истайди. Саёҳат ҳар доим туристнинг қандай ҳордиқ чиқарганлиги, қизиқиши, қониқиши ва таъсуротлари билан ўлчанади. Турист саёҳатдан қониқиши ва роҳатланиши учун тур товарларига жуда кўп пул сарфлайди. Масалан, ўртача бир турист сафар давомида 200 дан 500 $ гача, бизнес - туристлар эса кўпроқ, Австралия конгресcига кирувчи туристлар 1000 дан 1200 $ гача пул сарфлайдилар. Кейинги йилларда Россиялик туристлар энг бой ва фойдали туристлар ҳисобланадилар. Россиялик туристлар бир сафар давомида 3000 $ дан зиёд пул сарфлайдилар.
Туристлар ёдгорлик совғалари ва шахсий талабга қараб, шу юртни ёки жойни характерловчи, саёҳатни эслатувчи совғаларни ҳарид қиладилар. Масалан, Хаж ва умра зиёратига борганлар Қуръони Карим, жойнамоз, тасбеҳ, бош кийим, зам - зам сувларини совға сифатида оладилар. Бошқа турдаги саёҳатларда эса қуритилган илон териси ёки африкаликларнинг ёғоч барабанини ҳарид қиладилар. Бу совғалар туристларни кўргани келган қариндош ва меҳмонларга кўрсатилади ёки совға сифатида уларга ҳам берилади.
Яна шундай нарсалар борки, булар саёҳат даврида сотиб олинади. Масалан, карталар, луғатлар, соҳилда керак бўладиган анжомлар, спорт анжомлари, фото анжомлар, видиокамералар шулар жумласидандир.
Туристик масканлар ва марказлар туристлар кўп йиғиладиган жойларда алоҳида арзон нархларни ва божхона талабларини қўядилар. Товарларнинг нархлари ва божхона хизматидаги имтиёзларлар бошқа давлатларга нисбатан белгиланади.