Ўзбекистон республикаси олий ва ўрта махсус таълим вазирлиги тошкент давлат иқтисодиёт

4.2. Аудиторлик риски тушунчаси. Ажратиб бўлмайдиган риск 
Аудит текширувини режалаштириш жараёнида аудитор томонидан 
амалга оширилиши лозим бўлган энг муҳим вазифалардан бири аудит 
рискини баҳолаш ҳисобланади. 
Аудит риски
– аудитор томонидан, муҳим хатоликларга эга бўлган 
молиявий ҳисоботлар юзасидан, билмаган холда нотўғри (тескари) хулоса 
берилиши рискидир. Бошқача қилиб айтганда, молиявий ҳисоботларда 
муҳим хатоликлар мавжуд, аммо текширув жараёнида аудитор томонидан 
уларнинг аниқланмаслик хавфи.

---

89 
Аудит режасини ишлаб чиқиш жараёнида аудитор аудит рискига таъсир 
этувчи омилларни аниқлаши лозим. Қуйида молиявий ҳисоботларда муҳим 
хатоликлар мавжуд бўлиши мумкинлигини кўрсатувчи омиллар рўйхати 
келтирилган:
Мижоз раҳбарияти янги аудиторга аввалги йилларда аудит текширувини 
ўтказган аудитор билан мулоқот учун ижозат бермаслиги. 
Бошқарувда: 
- Бошқарув ва молиявий қарорлар фақат биргина шахс томонидан қабул 
қилиниши; 
- Раҳбарият ўзи учун жуда юқори маош белгилаганлиги;
- Раҳбариятнинг корхона фаолият юритувчи тармоқдаги обрў-эътибори 
паст даражадалиги; 
Раҳбарият келгуси даромадларга ниҳоятда катта эътибор қаратганлиги. 
Фаолиятда
:
- Корхонанинг ўз тармоғидаги бошқа корхоналарга нисбатан шубҳали 
даражада юқори даромад кўрсаткичларига эгалиги; 
- Иқтисодий омилларнинг (инфляция, фоиз ставкалари, ишсизлик ва 
бошқалар) операцион фаолиятга юқори даражада таъсирчанлиги;
- Ташкилотда сифатли бошқарув назоратининг йўлга қўйилмаганлиги 
сабабли бошқарувнинг тарқоқлиги;
Корхона ўз фаолиятини яқин келажакда тўхташи мумкинлигини 
кўрсатувчи ички ва ташқи омилларнинг мавжудлиги. 
Мижоз бухгалтериясида
:
- Бухгалтерия нуқтаи назаридан мураккаб операциялар кўплаб амалга 
оширилганлиги; 
- Аввалги йиллардаги молиявий ҳисоботларда муҳим хатоликлар 
аниқланганлиги;
- Мижоз аввалги йилларда аудит текширувидан ўтмаганлиги; 
Мижоз раҳбарияти янги аудиторга аввалги йилларда аудит текширувини 
ўтказган аудитор билан мулоқот учун ижозат бермаслиги.

---

90 
Халқаро амалиётда аудит рискини баҳолашнинг қуйидаги икки усули 
мавжуд: 
1. интуитив;
2. ҳисоблаш.