Ўзбекистон республикаси олий ва ўрта махсус таълим вазирлиги тошкент давлат иқтисодиёт

 
13.1.5. Аудиторлик хулосасини тақдим этиш. Аудиторлик хулосаси
учун жавобгарлик 
Аудитор томонидан аудит текширувини ўтказишдан бош мақсад – 
корхона молиявий ҳисоботлари молиявий маълумотларни тўғри ва тўлиқ акс 
эттирши юзасидан ўз профессионал фикрини билдиришдан иборат. Бу фикр 
аудиторлик хулосасининг асосини ташкил этади. Аудиторлик хулосаси барча 
аудиторлик фирмалари томонидан ягона, стандарт шаклда тайёрланади.
Аудиторлик хулосаси қуйидаги элементларни ўз ичига олади: 
а) ном («Аудиторлик хулосаси» ёки «Аудиторлик ташкилотининг 
хулосаси»: иккала ном тенг ҳуқуқли); 
б) адресат номи; 
в) кириш қисми;
г) таъкидлаш қисми; 
д) якуний қисм; 
э) аудиторлик хулосасини бериш санаси; 
ж) аудиторлик ташкилоти манзили; 
з) аудиторлар ва аудиторлик ташкилоти рахбарининг имзоси. 
Аудиторлик хулосаси аудиторлик ташкилотининг муҳри билан 
тасдиқланиши ва аудиторлик ташкилоти аудиторлик хулосаси шаклининг 
бир хиллигига риоя қилиши керак. 
Аудиторлик хулосаси ва аудиторлик ҳисоботи ўртасидаги асосий 
фарқланиш қуйидаги 13.1-жадвалда келтирилган: 
Аудиторлик хулосаси ўзбек тилида тайёрланиши ва унда келтирилган 
суммалар миллий валютада ифодаланиши керак. Бу ҳужжатда тузатишлар 
киритилишига йўл қўйилмайди.

---

225 
Аудиторлик фирмаси аудиторлик хулосасини мижоз билан келишилган 
миқдорда ва санада тақдим этиши шарт. Аудиторлик хулосасига мижоз 
корхонанинг молиявий ҳисоботлари ҳам илова қилинади. Аудиторлик 
хулосасининг бир нусхаси аудиторлик фирмасида махсус файлларда 
сақланади ва бу нусха мижозга тақдим этилган хулоса билан бир хил бўлиши 
лозим.
13.1-жадвал 
Аудиторлик хулосаси ва аудиторлик ҳисоботи ўртасидаги асосий 
фарқланиш 
 
Аудиторлик хулосаси