Ўзбекистон Республикаси Олий ва ўрта махсус таълим вазирлиги Тошкент тиббиёт академияси Урганч филиали

3. Махсус профилактика ва ташҳис воситалари (ишлатиладиган вакциналар ва организмга киритиш йўллари) бўйича жавоблар
Э Т А Л О Н Л А Р И

1. 
   Қорин тифи. Ўлдирилган, кимёвий сорбцияланган қорин тифи вакцинаси ёки корпускуляр моно-, ди-, тривакциналар. Тери остига юборилади. Эпидемиологик ҳолатга қараб болалар 3 ёшдан 15 ёшгача, эркаклар 60 ёшгача, аёллар 55 ёшгача эмланадилар.
   

2. Тоун. EV вакцина, тирик, қуритилган. Тери остига, тери орасига, тери устига 1-2 марта юбориб эмланади. Тери устига катталар 3 томчи, 7 ёшдан кичиклар 1 томчи, 7-10 ёшдагилар 2 томчи вакцина билан эмланади.
3. Сил. БЦЖ вакцина қуруқ, стерил физиологик эритма билан суюлтирилиб, билакнинг ташқи юзаси териси ичига юборилади. Қайта эмлаш 7 ва 15-16 ёшларда олиб борилади. БЦЖ - М заиф ва чала туғилган чақалоқларга қилинади.
4. Туляремия. Тирик, протектив антигендан тайёрланган, фаоллиги камайтирилган Гайский - Эберт вакцинаси. Бир марта тери устига қилинади. Эмлаш 7 ёшдан бошланади, эпидемиологик ҳолатга кўра 2 ёшдан ҳам эмлаш мумкин.
5. Куйдирги. Тирик СТИ вакцина, тери ичига ёки тери остига юборилади. Эпидемиологик ҳолатга кўра тери устига 2 томчи, тери остига эса 50 мл ли дозада катталар эмланади.
6. Дифтерия. АКДС - вакцина, мускул орасига 2 ойлик пайтда эмлаш, қайта эмлашлар эса 3, 4, 16 ойлик пайтларда олиб борилади. АДС-М билан 7, 16-17, 26, 46 ёшларда эмланади.
7. Қизамиқ. Қизамиққа қарши тирик вакцина. Тери остига, тери ичига игнасиз инжектор ёрдамида эмлаш ва қайта эмлаш олиб борилади. Эмлаш 9 ойликда, қайта эмлаш эса 16 ойликда амалга оширилади.
8. Полиомиелит. Полиомиелит тирик вакцинаси, 2 - 5 кунликда, қайта эмлашлар 2, 3, 4, 16 ойликда ва 7 ёшга тўлганда болалар оғзига томизиш билан амалга оширилади.
9. Қоқшол. АКДС вакцина, мускул орасига 2, 3, 4, 16 ойликда эмлаш, қайта эмлашлар АДС-М билан 7, 16-17, 26, 46 ёшларда олиб борилади.