Ўзбекистон республикаси олий ва ўрта махсус таълим вазирлиги тошкент давлат иқтисодиёт университети 5230600 «Молия ва молиявий технологиялар»

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС
ТАЪЛИМ ВАЗИРЛИГИ
ТОШКЕНТ ДАВЛАТ ИҚТИСОДИЁТ УНИВЕРСИТЕТИ


5230600 - «Молия ва молиявий технологиялар» таълим йўналиши 2- курс бакалавриатура талабалари учун
МОЛИЯВИЙ ҲИСОБГА КИРИШ фанидан


САВОЛЛАР

“Бухгалтерия ҳисоби” кафедрасининг 2022 йил 28 январдаги 22-сонли мажлис баённомаси билан кўриб чиқилди ва фойдаланишга тавсия этилди. ___________ Н.Б. Абдусаломова «_____»________________2022 йил

Тошкент – 2022
Молиявий ҳисобга кириш фанидан саволлар

1. 
   Хўжалик ҳисоби тушунчаси, функциялари ва унга қўйилган талаблар. Ўзбекистонда хўжалик ҳисобининг шундай тизими амал қилинадики, унда ҳисобнинг учта ўзаро боғлиқ кўриниши: оператив, статистик, бухгалтерлик ҳисоби ажратилади.
   
   ^ Оператив (ёки оператив техник) ҳисоби корхона, участка, ишлаб чиқариш, цехлар ва ҳ.к.ларга кундалик жорий раҳбарлик қилиш ва бошқариш учун амалга оширилади. Оператив ҳисоби ёрдамида бошқарув ходимларига корхонадаги моддий бойликларнинг ҳаракати ҳақидаги ишлаб чиқилган маҳсулот ҳажмлари, унинг юклаб жўнатилиши ва сотилиши ҳақидаги, ишлаб чиқариш захираларининг нақдлиги ва ҳ.к.лар ҳақидаги ахборот келиб тушади. Бундай маълумотларни олиш учун ахборот манбаи бўлиб ҳужжатлар каби телефон, телетайп, факс, оғзаки шаклда олинган маълумотлар ҳам хизмат қилиши мумкин. Оператив техник ҳисоб вақт жиҳатдан тузилиши мумкин ва унга бўлган эҳтиё заруриятга қараб юзага келади.
   Статистик ҳисоб хўжалик, иқтисодиёт, илм – фан, маориф ва ҳ.к.ларнининг турли соҳаларида умумлаштирувчи, оммавий хусусиятга эга бўлган ҳодисаларни ўргатади. Статистика иқтисодиётнинг аҳволи, унинг ривожланиш тенденциялари, ишчи кучи, моллар, қимматли қоғозлар, моддий захиралар ҳаракати, аҳолининг сони ва ёши, жинси, касб – кори ва ҳ.к.ларга кўра таркиби ахборотни тўплайди ва умумлаштиради. Статистика кузатиш ва қайд этишнинг танлаш усули билан кенг фойдаланади, бир марталик ҳисобга ва рўйхатга олишни амалга оширади. Бу мақсадларда бу бухгалтерлик ва оператив техник ҳисоб ахборотини қўллайди.