Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

ЛАБОРАТОРИЯДА ИШЛАТИЛАДИГАН АСБОБЛАР ВА УЛАРДАН
ФОЙДАЛАНИШНИ ЎРГАНИШ.ТАЛАБАЛАРНИНГ ЛАБОРАТОРИЯ ДАФ-ТАРИНИ ТУТИШИ. АНАЛИТИК ТАРОЗИДАН ФОЙДАЛАНИШ ВА
ИДИШЛАРНИ ЮВИШ
Тажрибанинг аниқлиги тажриба ўтказишда ишлатиладиган идишларнинг тозалигига ҳам боғлиқ.Идишлар тоза бўлса, улар буғда ёки дистилланган сувда ювилиб,термостатда қуритилади. Идишлар тоза бўлмаса, дастлаб водопровод сувида яхшилаб ювилади, кейин дистилланган сувда чайилади. Идишлардаги доғлар ва реактив қолдиқлари кетмаса хромли аралашма-хром ангидрид кислотаси билан ювиш шарт. (хромли аралашма тайёрлаш учун 10% ли K₂Cr₂O₇ концентрланган H₂SO₄ солинган чинни косача сув ҳаммомида эритилади). Асбоб хромли аралашма билан ювиб бўлингач,2-3 марта иссиқ сув билан ювилиб, дистилланган сув билан 1-2 марта чайилади. Агарда идишларда ёғ юқи ёки минерал моддаларнинг қолдиғи бўлса,бундай идишлар 30-40%ли ишқор, совун ёки порошок эритмасида яхшилаб ювилади ва юқорида қайд этилганидек, 2-3 марта иссиқ сув билан ювилиб, дистилланган сув билан 1-2 марта чайилади. Идишлар термостатда қуритилади. Агар идишда калий перманганат доғлари бўлса, бундай идишлар темир сульфат ёки оксалат кислота билан ювилиб, иссиқ ёки дистилланган сув билан чайилади. Идишларни ювишда махсус чўтка ишлатилади.
Ўлчов колбасини текшириш.Ўлчов колбаси хромли аралашма билан тозаланиб, дистилланган сув билан яхшилаб ювилади ва термостатда қуритилади, шундан сўнг аналитик тарозида тортилиб, белгисигача дистилланган сув қуйилади. Колбадаги сув хона температурасига мослангунча ушлаб турилади ва яна тарозида тортилади. Бунинг фарқи-20⁰ температурада 100 мл ҳажмдаги колбадаги дистилланган сувнинг массаси 99,716 грамм бўлса,50 мл ли колбадаги дистилланган сувнинг оғирлиги 49,958 грамм бўлади. Агар 20⁰ температурада сувнинг массаси Р бўлса, ҳажмини Х деб;қуйидагича ҳисобланади.
Эслатма: Жадвалда сувнинг ҳаволи жойдаги массаси ва ҳажми берилган. Агар сув бўшлиқда (ҳавосиз жойда) бўлса, унинг массасига 0,00106 қўшилиб, ҳажмидан 0,00106 айирилади.