Ўзбекистон республикаси олий ва ўрта махсус таълим вазирлиги тошкент тўҚимачилик ва енгил саноат институти

Тикув-трикотаж корхоналари экспорт салоҳиятининг таҳлили.....................................................................................
27
2.1.	Ўзбекистонда тўқимачилик махсулотлари экспорти учун яратилган бизнес муҳити таҳлили..............................................	27
2.2.	Тикув-трикотаж махсулотлари экспорти географияси иқтисодий самарадорлиги таҳлили	37
	ХУЛОСА	42
	ФОЙДАЛАНИЛГАН АДАБИЁТЛАР РЎЙХАТИ...........	45

КИРИШ
Диссертация мавзусининг долзарблиги ва зарурати. Жаҳон иқтисодиётидаги глобаллашув жараёнида тўқимачилик маҳсулотлари ишлаб чиқариш маркази Европа ва АҚШдан ривожланаётган Жанубий Америка, Жануби-Шарқий ҳамда Марказий Осиё минтақаларига кўчди. Бу эса ривожланаётган давлатлар қатори мамлакатимизда ҳам иқтисодий жиҳатдан муҳим тармоқлардан ҳисобланган трикотаж, ипакчилик, тикувчилик каби тармоқларни модернизациялаш, экспортбоп, юқори сифатли тўқимачилик маҳсулотларини ишлаб чиқариш корхоналари фаолиятини ташкил этишда бизнес жараёнларини бошқариш, хусусан бошқарувга нисбатан жараёнли ёндошувга асосланиш, рақобатбардош маҳсулот турларини ишлаб чиқаришни ташкил этишга эътибор қаратишни тақозо этади.
Жаҳон бозорида рақобат тобора кескинлашиб бораётган ҳозирги даврда корхоналарни реконструкция қилмасдан, замонавий илғор технология билан жиҳозламасдан, ишлаб чиқарилаётган маҳсулот турларини янгиламасдан туриб, уларнинг иқтисодий ва молиявий барқарорлигини таъминлаш мумкин эмас. Ишлаб чиқаришни ташкил этишнинг узлуксиз шаклларини жорий этиш мамлакатимиз тўқимачилик саноатини ривожлантириш ҳамда экспортбоп сифатли маҳсулотлар ишлаб чиқариш бўйича амалга оширилаётган чора-тадбирларнинг энг муҳим шарти ва манбаи бўлмоғи керак. Тикув-трикотаж ишлаб чиқаришининг ўз хом ашё базасига эга эканлиги пахта хом ашёсига қайта ишлов берадиган Ўзбекистон тўқимачилик саноатининг жадал суръатлар билан ривожланиши учун асос бўлмоғи керак.
Рeспубликaмиз тикув-трикотаж корхоналари рақобатбардошлигини оширишнинг муҳим йўналишларидан бири бизнес жараёнларни бошқариш самарадорлигини ошириш ҳисобланади. Сўнгги йилларда бошқарувга нисбатан жараёнли ёндошув, кўпгина маҳаллий ва хориж корхоналарида ўз самарасини кўрсатгани боис, борган сари кўпроқ аҳамият касб этмоқда.
Шу боисдан ҳам, бозор иқтисодиёти шароитида экспортбоп, юқори сифатли тикув-трикотаж маҳсулотларини ишлаб чиқариш корхоналари фаолиятини ташкил этишда бизнес жараёнларини бошқариш, хусусан бошқарувга нисбатан жараёнли ёндошувга асосланиш бугунги куннинг долзарб масаласи ҳисобланади.
Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сонли, 2017 йил 14 декабрдаги “Тўқимачилик ва тикув-трикотаж саноатини жадал ривожлантириш чора-тадбирлари тўғрисида”ги ПФ-5285-сонли, 2018 йил 22 январдаги “Фаол тадбиркорлик, инновацион ғоялар ва технологияларни қўллаб-қувватлаш йилида амалга оширишга оид Давлат дастури тўғрисида”ги 5308-сонли фармонлари, 2018 йил 29 ноябрдаги ПФ-5587-сонли “Маҳаллий ишлаб чиқарувчиларнинг экспорт салоҳиятини янада рағбатлантириш чора тадбирлари тўғрисида”ги фармонлари, 2018 йил 20 декабрдаги ПҚ-4069-сонли “Экспортга кўмаклашиш ва уни рағбатлантиришни кучайтириш чора-тадбирлари тўғрисида”ги, 2019 йил 19 февралдаги ПҚ-4186-сонли “Тўқимачилик ва тикув-трикотаж саноатини ислоҳ қилишни янада чуқурлаштириш ва унинг экспорт салоҳиятини кенгайтириш чора-тадбирлари тўғрисида”ги, 2019 йил 24 майдаги ПҚ-4337-сонли “Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида”ги, 2019 йил 16 сентябридаги ПҚ-4453-сонли “Енгил саноатни янада ривожлантириш ва тайёр маҳсулотлар ишлаб чиқаришни рағбатлантириш чора-тадбирлари тўғрисида”ги Қарори ва мазкур фаолиятга тегишли бошқа меъёрий-ҳуқуқий ҳужжатларда белгиланган вазифаларни амалга оширишда ушбу диссертация тадқиқоти муайян даражада хизмат қилади.