Ўзбекистон республикаси олий ва ўрта махсус таълим вазирлиги тошкент архитектура қурилиш институти

Фасадбоп сопол ашёлар. 
Бинонинг фасад қисмини қуришда сифатли 
пиширилган тўғри шаклли, бир текис рангдаги ғишт ва сопол тошлар кўп 
ишлатилади. Фасадбоп ғишт ва тошлар шаклига ва ишлатилишига кўра бир 
қаторга ва бурчакларга териладиган хилларга ажратилади. Бундай ғиштлар 
150, 100, 75 маркаларда ишлаб чиқарилади. Уларнинг сув шимувчанлиги 8 – 
14%, совуққа чидамлилиги 25 циклдан кам бўлмаслиги керак. Фасадбоп ғишт 
ва тошлар зинопоя деворларини, цехларнинг ички қисмини, ошхона 
деворларини қоплашда ҳам қўлланилади. Фақат ён томони сирланган ғишт 
санузел ва деворларни қоплашда кўп ишлатилади. Булардан бошқа фасадбоп 
ашёлар, арақи (карниз)лар, дераза тахтаси сифатида ишлатилади. 
Қоплама сопол тахтачалар. 
Нодир бинолар фасадини пардозлашда 
жуда кўп сопол қоплама ашёлар ишлатилади. Масалан, қоплама тахтачалар, 
тошлар, терракот ва бошқа сирланган буюмлар шулар жумласидандир. 
Қоплама сопол буюмлар, асосан, нам усул билан тайёрланади ва юқори 
сифатли лой қоришмаси бўлган тақдирда эса ним қуруқ усул ҳам 
ишлатилади. Фасадбоп қоплама сопол тахтачалар юқори сифатли лойни 
яхшилаб пишитиб (зичлаш усули билан) ишланади (36-расм.). уларнинг 
қалинлиги 20-25 мм, юзи 250х138 мм ўлчамларда қаторбоп ва бурчакбоп 
қилиб ишлаб чиқарилади. Кичик тахтачалар тайёр девор юзасига цемент 
қоришмаси билан ёпиштирилади.
Тарракот буюмлар деб, сунъий равишда безалган ва ранг берилгандан сўнг 
пишириб олинган қоплама сопол ашёга айтилади Сирланмаган терракот 
ҳайкалтарошликда, кичик меъморчилик қисмлари, деворбоп ашёлар 
сифатида ишлатилади.
расм
. Фасадбоп қоплама сопол тахтача 

---

49 
Гулдор-майолик буюмлар
деб, пишириш жараёнида табиий равишда 
рангланувчи ёки рангли сир суртилган қоплама сопол ашёга айтилади. 
Бундай сопол тахтачалар билан қопланган бино фасади гилам сингари 
чиқади. Тошкентда қурилган 19 қаватли маъмурий бино ва Темурийлар 
тарихи давлат музейи каби бинолар бунга мисол бўла олади (38- расм).