Ўзбекистон республикаси олий ва ўрта махсус таълим вазирлиги тошкент тўҚимачилик ва енгил саноат институти

Тадқиқот объекти ва предмети: 
Маҳаллий дағал қўй жуни изланиш объекти 
ҳисобланади. Дағал қўй жунини ювиш-рангсизлантириш, оқартириш, бўяш, ҳамда 
хоссаларини ўрганиш унинг предмети ҳисобланади. 
Ишнинг мақсади ва вазифалари
: Маҳаллий дағал жун толасини тўқимачилик 
саноатида ип олиш учун тайёрлаш технологиясини ишлаб чиқиш ишнинг мақсади бўлиб, 
дағал жундан ифлосликларни чиқариш, уни ювиш-рангсизлантириш ва зарур рангларга 
бўяш шароитларини яратиш ишнинг вазифаси ҳисобланади.
Илмий янгилиги: 
Биринчи марта
 
маҳаллий жун толаларини жун кератинини 
сақлаган ҳолда самарали тозалаш ва рангсизлантириш орқали улардан тўқимачилик 
саноатида фойдаланиш имконияти кўрсатилди. Турли рангларга бўяш орқали улардан 
тўқимачилик саноатида фойдаланиш мумкинлиги исботланди. 
Тадқиқотнинг асосий масалалари ва фаразлари: 
Дағал жун толаларини сифатини 
яхшилашнинг самарали технологиясини яратиш диссертациянинг асосий масаласидир. 
Уни тўқимачилик саноатига киритиш ва хатто чет элга экспорт қилиб иқтисодий 
самарадорликка эришиш мумкинлиги диссертация гипотезаси ҳисобланади. 
Тадқиқот мавзуси бўйича адабиётлар шарҳи (таҳлили): 
Ўрганилган адабиётларда 
жун толаларининг турлари, хоссалари, маҳаллий жун толаларидан фойдаланиш 
имкониятлари, уларнинг сифатини яхшилаш технологиялари, дағал жун толаларидан 
тўқимачилик саноатида фойдаланишнинг самарали истиқболлари таҳлил қилинди. 
Тадқиқотда қўлланилган методиканинг тавсифи: 
Магистрлик илмий ишида 
маҳаллий дағал жун толаларини турли сирт актив моддалар, кучсиз ишқорий агент, совун 
эритмалари ёрдамида самарали ювиш ва оксидловчилар, хусусан водород пероксиди 
таъсирида рангсизлантириш бўйича илмий тадқиқотлар олиб борилган, жараёнларга 
таъсир этувчи факторлар ўрганилган. ювиш-рангсизлантириш, оқартириш, ва турли 
рангларга бўяш шарт-шароитлари ишлаб чиқилди.