Ўзбекистон республикaси олий ва ўрта махсус таълим вазирлиги тошкент давлат иқтисодиёт университети

4.6. ОШХОНА ИДИШЛАРИ ВА ЖИҲОЗЛАРИГА 
ҚУЙИЛАДИГАН ТАЛАБЛАР. 
Металл идишлар—алюмин, пўлат, жез, чуян, темир, мельхиор, 
нейзильберлардан тайёрланади. Эмал билан қопланиши мумкин. 
Алюмин идиш штамп қилиниб ва алюмин, дюралюминдан қўйиш 
йўли билан ёки уларнинг иккинчи эритмасидан тайёрланиши мумкин. 
Штамп қилиниб тайёрланган алюмин идиш енгил (туб қалинлиги 1,5 
мм), уртача (2 мм) ва оғир (туби қалинлиги 2,5 мм) бўлади. Қуйиб 
тайёрланган, деворлари қалин идишлар — товалар, кастрюл, қозонлар, 
агар уларнинг сиртига яхши ишлов бериб пардозланса, зангламайди. Бу 
идишлар асосан таомларни қовуриш учун, иккинчи таом тайерлаш учун 
ишлатилади. Алюмин идишларга турли хил ишлов берилади, 
кумушсимон ва бошқа хар хил кўринишда ялтираб туради. Оташ-
бардошлиги 658°С гача, хароратнинг бирданига ўзгаришидан 
қўрқмайди, таомнинг мазаси, хиди, кўринишига салбий таъсир 
қилмайди. Бу идишларда хар қандай таомни пишириш мумкин, органик 
кислотали маҳсулотлар ҳам уларга таъсир қилмайди. Бироқ, алюмин 
идишларда таомни 2 суткадан ортиқ сақлаш тавсия этилмайди. Алюмин 
идишларда тузланган бодринг, Карам сақлаш мумкин эмас, чунқи 
ишқор ва кислота идишни ишдан чиқаради. Янги алюмин идиш ичини 
мойлаб, сув қайнатиб олиш зарур. 
Алюмин идишнинг кирини кетқазиш учун нашатир спирт ёки сода 
қўшилган сув билан ювилади (бир литр сувга бир чой қошиқ). Бундай 
идишларни турли хил кукунлар билан ювилса ҳам бўлаверади. Алюмин 
кастрюлларни 1—1,5 челак илиқ сувга 80—100 г идорада 
ишлатиладиган силикат елимидан ва 100—125 г кальций содаси қўшиб 
ювилса, янгидек бўлади. Суюқлиқ қайнаш даражасигача иситилиши, 
сўнгра идишлар солиниши мумкин. 20—30 дақиқа қайнатиш керак. Сув 
совигунга қадар идишлар олинмайди, сўнгра очиб енгилгина ювилади. 
Алюмин идишларни қаттиқ, порошоқ ва металл чўтка лар билан 
тозалаш мумкин эмас.