Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

Амалиётчи-талабанинг иш режаси
Амалиётчи-талабалар педагогик амалиёт тўғрисидаги дастур ва йўриқномаларга асосланган ҳолда методистлар ва мутахассислик фанлари ўқитувчиларининг кўрсатмалари асосида шахсий режа тузади ва шу асосда иш юритади. Бу режа амалиётчи-талабанинг педагогик амалиёт давридаги бутун фаолиятини, унинг бошланишидан охиригача бажариладиган барча таълим-тарбия ишларини ўз ичига олади.
Амалиётчи-талаба иш режасининг мазмуни қуйидагиларни ўз ичига олади:

• 
  мутахассислик фанлари бўйича ўтадиган дарслари, дарсдан ташқари ишлари;
  
• 
  мутахассислик фанлари бўйича амалга ошириладиган оммавий ва якка тартибдаги ишлари, кечалар ва мусобақаларга тайёрланиши ва ўтказилиши;
  
• 
  мутахассислик фанлари бўйича дарсдан ташқари машғулотларни кузатиши ва уларнинг муҳокамасида иштирок этиши;
  
• 
  академик гуруҳ мураббийси сифатида амалга оширадиган маънавий- маърифий ишлари;
  
• 
  касб-ҳунар коллежи ташкилотлари ва ота-оналар қўмитаси ишларида иштироки;
  
• 
  академик гуруҳ ўқувчи-талабаларини ўрганиши;
  
• 
  навбатчилик ишларида қатнашиши;
  
• 
  академик гуруҳ ва касб-ҳунар коллежи миқёсида ўтказиладиган маънавий-маърифий тадбирларни кузатиш, уни ташкил ва муҳокама қилишда иштироки;
  
• 
  янги кўргазмали қуроллар ва тарқатмали материаллар ва тестлар тайёрлаши;
  
• 
  курс иши, битирув малакавий иши учун материаллар йиғиши ва ҳоказолар.
  

Амалиётчи-талабанинг кундалиги ва уни юритиш қоидалари
Амалиётчи-талабадан педагогик амалиёт даврида ҳар куни бажарган ишларини мунтазам равишда ёзиб бориши талаб этилади. Бу ишни тўлдириш қуйидагича амалга оширилади:
Амалиётчи-талаба кундалик дафтари намунавий нусхаси
(дафтарнинг биринчи саҳифаси қуйидагича шаклда бўлади)
Институт __________________________________________
(ОТМ номи)
факультет _____________________________босқич _________
талабаси __________________________________________нинг
(амалиётчи-талаба И.Ш.О.)