Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

Педагогик амалиёт даврида таълим-тарбия жараёнини кузатиш ва таҳлил қилиш
Педагогик амалиётда таълим-тарбия жараёнини ўрганиш ва уни ўзлаштириш амалиётнинг асосий вазифаси ҳисобланади. Бунга эришишда дарсни кузатиш ва таҳлил қилиш муҳим ўрин тўтади.
Маълумки, дарс – ўқитувчи билан ўкувчи-талабанинг белгиланган вақтда биргаликдаги амалга ошириладиган мақсадли фаолиятидан иборат.
Демак, амалиётчи-талаба дарсни кузатиш ва уни таҳлил қилиш жараёнида ана шу қоидадан келиб чиққан ҳолда ўқитувчи ва ўқувчи-талаба фаолиятини биргаликда кузатиши, уни таҳлил қилиши, тегишли хусусий ва умумий хулосалар чиқаришга, уларни умумлаштиришга эришмоғи лозим. Ана шунда биз кўзланган мақсадга эришамиз.
Тажриба шуни кўрсатадики, педагогик амалиётнинг дастлабки кунларидан бошлаб методистлар, мутахассислик ўқитувчилари бошчилигида дарсларни методик, педагогик ва психологик нуқтаи назардан синчковлик билан кузатиш ва атрофлича таҳлил қила олишга эришиш асосий мақсад бўлиши керак. Натижада амалиётчи-талабалар ўқитиш жараёнининг ҳар бир босқичини тўғри ташкил этишни, дарс жараёнида ўқитиш ва тарбия методларини тўғри танлай олишни, йўл қўйилган илмий, методик камчиликларни ўз вақтида тўғри англаш ва уларни бартараф қилиш йўлларини онгли равишда ўзлаштиради.
"Касбий таълим" йўналиши бўйича бир соатлик дарсни кузатишнинг намунаси қуйидагича бўлиши мумкин. Амалиётчи-талаба дарсни кузатиш жараёнида ўқитувчи ва талабанинг ҳар бир хатти-ҳаракатини диққат билан кузатиб бориши, ҳар бир ютуқ ва камчиликни ўз вақтида дафтарга қайд қилиб бориши, дарс сўнггида ўз хулосаларини қайд қилиши лозим.
Умумий маълумотлар:
Академик гуруҳ, фан номи, дарснинг вақти, дарс мавзуси, ўқитувчининг исми, отасининг исми, шарифи, дарсда иштирок этаётган бошқа кузатувчилар.
Ташкилий қисм:
Дарс хонасининг ҳолати, шу дарс учун жиҳозларнинг таъминланганлиги, дарснинг ўз вақтида бошланиши, саломлашиш, дарснинг ўз вақтида бошланиши, давоматнинг текширилиши, ташкилий қисмга сарфланга вақт.