Ўзбекистон республикаси олий ва ўрта махсус таълим вазирлиги ш. З. Умарованинг таҳрири остида

Фармацевт кадрлар лавозим номенклатураси

Категория	Лавозим номи
Раҳбар ходимлар	Дорихона мудири
	Дорихона мудири муовини
	Дори воситаларини улгуржи савдосини амалга оширувчи омборхона мудири
	Дори воситаларини улгуржи савдосини амалга оширувчи омборхона мудир муовини
	Фармацевтика ташкилотларининг бўлим бошлиқлари
Олий фармацевтика маълумотига эга бўлган мутахассислар	Фармацевт
	Фармацевт-технолог
	Фармацевт-аналитик
	Фармацевт-космецевт
	Фармацевт муҳандиси
	Биотехнолог
	Клиник фармацевт
Ўрта махсус маълумотли фармацевт кадрлар	Фармацевт ассистенти
Ёрдамчи ходимлар	Қадоқловчи
	Санитар ювувчи

Олий ва ўрта махсус маълумотига эга бўлган фармацевт кадрлар 3 босқичга эга бўлган квалификацион категорияга эга бўлиши мумкин (2-жадвал). Малакавий тоифа 5 йил муддатгача амалда бўлиб, сўнгра уни қайтадан тасдиқлаш зарур.

2-жадвал
Малакавий тоифани олиш учун талаблар

Тоифа	Меҳнат стажига қўйиладиган талаб
Иккинчи	3 йилдан кам бўлмаган
Биринчи
Олий

Малакавий тоифа фармацевт кадрлар аттестацияси натижаларига кўра берилади. Аттестация жараёнида иштирок этиш фармацевт кадрларнинг иҳтиёрига кўра амалга оширилади. Малакавий тоифа олишни ҳоҳлаган мутахассислар Соғлиқни сақлаш вазирлиги қошидаги аттестация комиссиясига ариза билан мурожаат қиладилар ва охирги 3 йилдаги фаолият бўйича ҳисобот топширадилар. Аттестация комиссияси хулосасига кўра фармацевт кадрларга категория берилгани тўғрисида гувоҳнома тақдим этилади.

Фармацевтика ташкилотларида (дорихоналарда) фармацевт кадрдан ташқари фаолият юритиш учун маъмурият-бошқарув (бош бухгалтер, бухгалтер, кассир) ва ёрдамчи ходимлар (қадоқловчи, санитар ювувчи), шунингдек, хизмат кўрсатувчи (фаррош, юк ташувчи, хайдовчи)лар ҳам штат жадвалига киритилиши лозим.


4.6. Фармацевт кадрларга қўйиладиган замонавий талаблар, касб тавсифномаси
Республикамизда жадал суръатлар билан ривожланиб бораётган фармацевтика соҳаси фармацевт кадрлар малакасига қўйиладиган талабни ҳам кўриб чиқишни долзарб вазифа қилиб қўйди. Фармацевтика соҳасидаги кадр буюртмачилари ва истеъмолчилари бугунги кунда битирувчи нафақат фармацевтикага оид билим ва кўникмаларга эга бўлишини балки, мулоқат психологияси, ахборот технологиялари, хорижий тилларни билишини ҳам талаб этмоқдалар.
Ўз навбатида фармацевт кадрларнинг квалификацион тавсифномаси ҳам, замон талабига мувофиқ ўзгариб бормоқда.
Республикамизда фармацевт кадрлар билан таъминловчи ягона ОТМ – Тошкент фармацевтика институтида бугунги кун амалиёти талаблари асосида янги таълим йўналишлари, мутахассисликлар ташкил этилмоқда, фан дастурлари мунтазам янгиланиб борилмоқда. Ушбу жараёнда замонавий технологиялар, бошқарув тизими, таҳлил услубларининг ривожланиб бориши, таълим стандартларини ҳам такомиллаштиришни тақазо этмоқда.
Ўз навбатида, Ўзбекистон Республикасининг “Таълим тўғрисида”ги Қонунига мувофиқ Кадрлар тайёрлаш миллий дастури мақсадларини рўёбга чиқариш, мамлакат ижтимоий-иқтисодий тараққиётнинг истиқболлари, жамият эҳтиёжи, фан, техника ва технология ютуқлари, кадрлар тайёрлаш борасида халқаро ривожланиш тенденцияларидан келиб чиқиб, иқтисодиёт соҳаларининг модернизациялашув шароитида кадрлар истеъмолчиларининг талабларини олий таълим тизими мазмунига тезкор жорий этилишига тегишли шароитлар яратиш, олий таълим давлат таълим стандартларини халқаро амалиётдаги академик стандартлар билан уйғунлаштириш ҳамда уларнинг узвийлигини таъминлаш мақсадида, Вазирлар Маҳкамасининг “Олий таълимнинг Давлат таълим стандартларини тасдиқлаш тўғрисида” 2001 йил 16 августдаги 343-сон қарорига ўзгартириш ва қўшимчалар киритилди. Унга кўра республикамиздаги барча таълим йўналишлари ва мутахассисликлар учун малака талаблари ва билим соҳалари бўйича Давлат таълим стандартларини ишлаб чиқиш белгиланди.
Юқоридагилардан келиб чиқиб, биз амалдаги фармацевтикага оид таълим йўналишлари ва мутахассисликларининг ўқув режа ва фан дастурларини хорижий ривожланган давлатлардаги фармацевтика таълими билан солиштирдик. Таҳлил натижаларида республикамиздаги фармацевтикага оид таълим йўналишлари ва мутахассисликларининг ўқув режаларида қуйидаги фанлар: фармакогенетика, фармацевтик радиокимё, фармацевтик ҳуқуқ, ветеринария учун дори воситалари, фармацевтлар учун электрон манбалар фанлари, дастурларда мавжуд эмаслиги аниқланди. Шунингдек, республикамиз таълим йўналишларида мавжуд, аммо Европа давлатларида ўқитилмайдиган фанлар қаторига: хаёт фаолияти хавфсизлиги, сиёсатшунослик, доривор ўсимликлар ресурсшунослиги, метрология, каби фанларни киритиш мумкин.
Таҳлил натижаларида, республикамиздаги таълим йўналишларининг умумкасбий ва мутахассислик фанлари номлари бўйича ва ишлаб чиқариш амалиёти муддатлари бўйича 90%га Европа давлатлари олий ўқув юртлари ўқув режалари билан бир хил эканлиги аниқланди. Маълумки, Европа давлатларида фанларни ўзлаштиришда урғу асосан мустақил таълимга қаратилган, бунда аудитория машғулотлари ҳафтасига 18-24 соатни ташкил қилади. Қуйидаги жадвалда фанларни тайёргарлик цикллари бўйича таҳлили келтирилди.