Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

5.14. Дарс кўринишлари: маъруза, семинар ва амалий машғулотлар, лабо-ратория машғулотлари, ўқув анжуманлари, ўқув-семинар, суҳбат, кинодарс, компьютер машғулотлари, машқлар, маслаҳатлар, экскурсия, экспедиция, ўқув ишлаб чиқариш ва педагогик амалиёти, курс, лойиҳа ва битирув малакавий ишлари, талабаларнинг мустақил таҳсили ва ҳоказо.
5.15. Дарснинг асосий таркибий элементлари: ташкилий қисм; уйга берилган ёзма вазифаларни текшириш; талабалар билимини оғзаки текшириш (ёки сўраш); янги материалларни тушунтириш; янги материалларни мустаҳкамлаш; уйга вазифа бериш; дарсни уюшқоқлик билан якунлаш.
5.16. Дарс таҳлилининг асосий таркибий қисмлари: ўқитувчининг дарсга тайёргарлик даражаси, дарснинг мақсад ва вазифалари, ташкилий ишлар, дидактик, услубий, методологик, психологик, педагогик, ўқувчилар билан ҳамкорликда ишлаш ва якуний таҳлиллар.
5.17. Дарсга кирган ўқитувчининг қўлида бўлиши лозим: гуруҳ журнали, фан ўқув дастури, календар-мавзу режаси, дарс технологик харитаси, ўқув-услубий материаллар.
5.18. Ўқитувчининг дарсга киришдан олдин ўзига қўядиган саволи: нега, нимани ва қандай ўқитаман?
5.19. Абу Али Ибн Синонинг ўқитувчига қўйган талаблари:

• 
  талаба (ўқувчи)лар билан муомалада босиқ ва жиддий бўлинг;
  
• 
  берилаётган билимни талаба (ўқувчи)лар қандай ўзлаштириб олаётганлигига алоҳида эътибор беринг;
  
• 
  таълимда турли услуб ва шакллардан фойдаланинг;
  
• 
  талаба (ўқувчи)нинг хотираси, билимларни эгаллаш қобилияти, шахсий хусусиятларини билинг;
  
• 
  талаба (ўқувчи)ларни фанга қизиқтира билинг;
  
• 
  талаба (ўқувчи)ларга узатилаётган билимларнинг энг муҳимини ажратиб беринг;
  
• 
  билимларни талаба (ўқувчи)ларга тушунарли ҳамда уларнинг ёши, ақлий даражасига мос равишда беринг;
  
• 
  ҳар бир сўзнинг талаба (ўқувчи)лар ҳиссиётини уйғотиш даражасида бўлишига эришинг.