Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “бухгалтерия хисоби ва аудит” кафедраси

Аудиторлик ташкилотининг (аудитор)нинг мажбуриятлари – аудиторлик фаолиятини амалга оширишда хўжалик субъекти олдида Қонун ҳужжатларига мувофиқ шартнома талабларига асосан бажарилиши лозим бўлган бурчлари.

Аудитор ташкилоти (аудитор) нинг жавобгарлиги – аудиторлик текшируви буюртмачилари, хўжалик юритувчи субъект ва молиявий ҳисоботдан бошқа фойдаланувчилар олдида молиявий ҳисобот ҳамда хўжалик юритувчи субъектнинг бошқа молиявий ахбороти тўғрисида нотўғри якундан иборат бўлган аудиторлик хулосасини тузиш оқибатида уларга етказилган зарар учун Қонун ҳужжатларига белгиланган тартибда жавобгарлик даражаси.

Аудиторлик текшируви – молиявий ҳисобот ва бошқа молиявий ахборот тўғрилигини ва Қонун ҳужжатларига мослигини аниқлаш мақсадида хўжалик юритувчи субъектнинг молиявий ҳисботини ҳамда у билан боғлиқ молиявий ахборотни аудиторлик ташкилотлари томонидан текширишдир.

Аудиторлик хулосаси – молиявий ҳисоботнинг тўғрилиги ва бухгалтерия ҳисоби юритиш тартибининг Қонун ҳужжатларида белгиланган талабларга мувофиқлиги тўғрисида аудиторлик ташкилотининг фикри ёзма равишда ифодаланган, хўжалик юритувчи субъект молиявий ҳисоботдан фойдаланувчилар учун очиқ бўлган ҳужжат.

Ижобий аудиторлик хулосаси – аудиторлик ташкилотининг хўжалик юритувчи субъект нинг молиявий ҳисоботи унинг ҳақиқий молиявий аҳволини акс эттириши ва хўжалик юрутувчи субъект томонидан амалга оширилган молиявий ва хўжалик операциялари Ўзбекистон Республикаси қонун ҳужжатларига мувофиқлиги тўғрисидаги фикрини ўз ичига олган хужжат.

Салбий аудиторлик хулосаси - аудиторлик ташкилотнинг хўжалик юрутувчи субъектнинг молиявий ҳисоботи бузиб кўрсатилганлиги ва молиявий ҳисоботдан фойдаланувчини янглиштириши мумкинлиги тўғрисидаги фикрини ўз ичига олган хужжат.

Аудиторлик ҳисоботи – аудиторлик текширувининг бориши, бухгалтерия ҳисобини юритишнинг белгиланган тартибидан аниқланган четга чиқишлар, молиявий ҳисоботдаги қоидабузарликлар тўғрисидаги муфассал маълумотлардан шунингдек аудиторлик текшируви ўтказиш натижасида олинган бошқа ахборотдан иборат бўлган ва хўжалик юрутувчи субъект рахбарига, мулкдорига, қатгашчилари (акциядорлари) нинг умумий йиғилишига йўлланган ҳужжат. Хисоботда аниқланган четга чиқишлар ва қоидабузарликларни бартараф этиш бўйича тавсиялар, шунингдек хўжалик юритувчи субъектнинг молия хўжалик фаолияти самарадорлигини ошириш бўйича тавсиялар ва таклифлар мавжуд бўлади.