Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “бухгалтерия хисоби ва аудит” кафедраси

Бухгалтерия хисоботи - ҳисобот даври натижаларининг бухгалтерия ҳисоби маълумотлари асосида тузиладиган ва ҳисобот санасида белгиланган шаклда тўлдириладиган, хўжалик субъектининг мулкий ва молиявий ҳолатини ҳамда унинг хўжалик фаолияти натижалариниўзига акс эттирган кўрсаткичларнинг ягона тизимидир.

Аудитдаги баҳолаш – кўриб чиқилаётган предметнинг миқдорий ва сифат характеристикалари ҳақидаги аудиторнинг тасаввури.

Бухгалтерия ҳисоби ва ҳисоботидаги хатолик – ҳисоб ёзувларидаги арифметик ёки мантиқий хатоликлар ҳисоб маълумотларига эътиборсизлик ёки хўжалик фаолияти фактларини, мулкнинг ҳолати ва мавжудлигини мажбуриятлар ва ҳисоблаш ишларини нотўғри тасаввур этиш орқали ҳисоб ваҳисобот маълумотларининг кўзда тутилмаган ҳолатдаги бузилиши.

Аудитдаги йўл қўйилиши мумкин бўлган танлов хатоси - аудитор томонидан аудиторлик танлов жараёнида хўжалик субъектининг бухгалтерия ҳисоби ва ҳисоботида аниқлаган, лекин ушбу танлов жараёнида текширилиши лозим бўлган маълумотларнинг тўғрилиги ҳақида аудит хулоса бериши мумкин бўлган даражадаги хатоликларнингмаксимал ҳолати.

Аудитдаги кутилаётган танлов хатоси – аудиторнинг танлови жараёни бошланмасидан олдин ушбу танлов жараёнида аудитор томонидан иқтисодий субъект бухгалтерия ҳисоби ва ҳисоботида аниқлашни мулжалланган хатолар мазмунини тахминий, субъектив равишда баҳолашдир.

Бухгалтерия ҳисоботининг жиддий равишда бузиб кўрсатилиши – бухгалтерия ҳисоботининг ишончлигига сезарли даражада таъсир кўрсатувчи жиддий характердаги бухгалтерия ҳисоботини бузилиши.

Корхона фаолияти узликсизлигининг эҳтимоли– мазкур хўжалик субъекти келажакда ўз фаолиятини давом эттириши (ҳисобот давридан кейин камида 12 ой давомида) ва унда ўз фаолиятини тугатишга ёки қисқартиришга зарурият эҳтимоли йўқлигини ўзида мужассамлаштирилган бухгалтерия ҳисобининг бир тамойилидир.

Бошқа аудиторлик ташкилоти – асосий аудиторлик ташкилоти ҳамкорликда аудит ўтказаётган ҳамда бухгалтерия ҳисоботи ўз ичига олган бўлимлар бўйича аудиторлик хулосасини тайёрлаш учун жавобгар бўлган аудиторлик ташкилотидир. Асосий аудиторлик ташкилоти билан муносабатлардан қатъи назар бошқа аудитор ташкилоти томонидан барча фарқланишлар тан олинади.