Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “бухгалтерия хисоби ва аудит” кафедраси

Асосий аудиторлик ташкилоти – хўжалик субъектнинг бухгалтерия ҳисоботи ҳақида бошқа аудиторлик ташкилоти ушбу субъект ҳисоботининг бир ёки бир неча бўлимларига тайёрланган кўрсаткичларни ўзида акс эттирган ҳолдаги умумий аудиторлик хулосани тайёрлаш учун жавобгар бўлган аудиторлик ташкилотидир.

Хўжалик субъекти билан ишни давом эттираётган аудиторлик ташкилоти – хўжалик субъектининг олдинги давр бухгалтерия ҳисоботларини аудитини ўтказган ва аудит ўтказиш шартномаси бўйича ушбу аудитни охирги ҳисобот даври учун ўтказаётган аудиторлик ташкилоти.

Аудитор (аудитор ташкилот) нинг жавобгарлиги - хўжалик субъекти билан тузилган шартнома бўйича аудитор (аудиторлик фирмаси) нинг ўз мажбуриятларини бажармаслиги ёки нотўғри бажариши натижасида қўлланиладиган жазо чоралари. Жавобгарликнинг кўриниши ва шакллари амалдаги қонунчилик ва томонларнинг келишуви асосида аниқланади.

Аудиторлик хулосасини беришдан бош тортиш – аудиторлик фаолиятининг қоидалари (стандартлари) билан аниқланган, ёзма шаклда ифодаланган фикрдир. Бунда аудит ўтказиш ҳажмига таъсир шунчалик даражада бўладики, ижобий, шартли ижобий ёки салбий аудиторлик хулосаларини тайёрлашучун аудитор етарли маълумотлар ола олмайди, ҳамда аудиторнинг мустақиллик тамойили бузилганда ҳам хулоса беришдан бош тортиш ҳоллари юз бериши мумкин.

Аудитор ҳисоботи – ўтказилган аудит натижалари бўйича аудиторнинг ёзма маълумотларидир.

Аудитдаги танлов ҳажми – текшириладиган мажмуадан аудитор томонидан танлаб олинган бирликлар сони.

Шартли мажбуриятлар – мазкур хўжалик субъектининг келажакдаги хўжалик фаолиятининг натижаси бўлган ва унинг аудиторлик фирмаси томонидан тасдиқланган ҳозирги бухгалтерия ҳисоботида акс эттирилган молиявий ҳолатига сезиларли даражада таъсир этувчи ноаниқ суммадаги келгуси давр мажбуриятларнинг кутилиши.

Боғлиқ томонлар билан операциялар – бирор бир баҳо белгиланганлиги ёки белгиланмаганлигидан қатъий назар бир боғлиқ томондан иккинчисига ресурслар ёки мажбуриятларнинг берилиши.