Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

Қийматнинг ошиши
Қийматнинг камайиши
Биринчи қайта баҳолаш	“Капитал ва резерв” бўлимида қайта баҳолаш бўйича резерв моддасига олиб борилади. Бошқа тўплам даромадлар тўғрисидаги ҳисоботда акс эттирилади	Фойда ва зарарлар тўғрисидаги ҳисоботда.
Кейинги қайта баҳолаш	Агар олдинги қайта баҳолашда қийматнинг камайиши юз берган бўлса, кейинги қайта баҳолашда қийматнинг ошиши даставвал олдинги фойда ва зарарлар тўғрисидаги ҳисоботга олиб борилган зарарни қоплашга ва ундан кейинги қолган қисми “капитал ва резерв” бўлимида қайта баҳолаш резерви моддасига олиб борилади. Бошқа тўплам даромадлар тўғрисидаги ҳисоботда акс эттирилади.	Агар олдинги қайта баҳолашда қийматнинг ошиши юз берган бўлса, кейинги қайта баҳолашда қийматнинг камайиши “Капитал ва резерв” бўлимида қайта баҳолаш резерви моддасининг камайишига ва ундан қолган қисми эса фойда ва зарарлар тўғрисидаги ҳисоботда акс эттирилади.

5-мисол. А компанияси ишлаб чиқариш квотаси ҳукуматнинг қаттиқ назоратида турадиган мамлакатда фаолият юритади. Квотага бўлган эҳтиёж таклифдан ортиқ.
Квотани олиш учун ҳукуматнинг тегишли органларига ишлаб чиқариш квотасига буюртма тақдим этилади. Буюртма қаноатлантирилган тақдирда квота 5 йил муддатга берилади. Ишлаб чиқариш квотасига фаол бозор мавжуд бўлиб, қайсики бу бозор ишлаб чиқариш ҳажми, бирлик баҳоси маълумотлари бўйича молиявий нашрлар асосида иш юритади.
Буюртмани берганда $1000 йиғим тўланади. Квота олинганда эса $100.000 тўланиши белгиланган.
А компанияси квотага буюртма берди. Квота компанияга 2010 йил декабрида тақдим этилди. Компания адолатли қиймати бўйича баҳолаш моделини қўллайди ва квоталарни ҳар йили қайта баҳолайди. Кейинги ҳар бир молиявий йил охирида квоталарнинг адолатли қиймати:
2011 йил декабрь $98.000;
2012 йил декабрь $79.000.
Топшириқ. Квотанинг бошланғич қийматини ҳисоблаш ҳамда қайта баҳолаш натижалари ва квота амортизация суммасини А компаниянинг кейинги даврлардаги молиявий ҳолати тўғрисидаги ҳисобот ва бошқа ҳисоботларига акс эттириладиган суммасини аниқлаш.