Ўзбекистoн республикаси олий ва ўрта махсус таълим вазирлиги самарқанд давлат чет тиллар институти

 
Ўйинлардан намуналар: 
1.Ким кўп гапиради ўйини
. 
Биринчи гуруҳ аъзоларидан бири иккинчи гуруҳ аъзоларига бирор 
нарсанинг расмини кўрсатади. Иккинчи гуруҳ аъзоси кўрсатилган расмни 
иложи борича кўпроқ сўзлардан фойдаланиб изоҳлаши лозим. Шундан сўнг 
бу расм 2,3 ва ҳакоза гуруҳ аъзоларига кўрсатилиб, ўйин юқоридаги тартибда 
давом эттирилади. 
Ўйинни она тилидаги жумлани чет тилига, чет тилидаги жумлани она 
тилига таржима қилиш, жумлани тасдиқ формада айтиб, уни сўроқ инкор 

---

17 
формаларга, активни пассивга айлантириш, айтилган сўзга синонимлар, 
антонимлар айтиш каби усулларда ташкил қилиш мумкин.
2. Пантомима ўйини 
Биринчи гуруҳ аъзолари ўзаро маслаҳатлашиб, бирор бир иш ҳаракатни 
пантомима (сўзсиз, имо ишора ва ҳаракатлар) орқали кўрсатади. Қолган 
гуруҳлар маслаҳатлашиб олишлари учун 2-3 дақиқа вақт берилади. Шундан 
сўнг, ҳар бир гуруҳдан бир аъзо чиқиб, пантомима мазмунини чет тилида 
изоҳлаб беради. Энг яхши изоҳлаган гуруҳ ғолиб деб топилади. 
3.«Ўжар» ўйини. 
«Ўжар» ўйини бўйича машқлар талабалар жуфтликлари ёки гуруҳлари 
орқали ташкил қилинади. Жуфт бўлиб ўйнашда 1-талаба вазифасига 
нисбатан яхши ўзлаштирувчи, 2-талаба вазифасига нисбатан паст 
ўзлаштирувчи талаба танланади. Машғулот биринчи талаба айтган жумлани 
иккинчиси томонидан албатта рад қилиниши орқали ташкил қилинади. Бунда 
биринчи талабага у жумласида ишлатиши лозим бўлган сўзлар рўйхатини 
бериш ҳам мумкин. Кейинги босқичларда эса улар бундай рўйхатлардан 
фойдаланмай гапиришни ўрганадилар.
Машғулотни гуруҳ орқали ташкил қилишда биринчи гуруҳдаги 
талабалар тартиб билан жумла айтадилар, иккинчи гуруҳдагилар ҳам навбат 
билан жавоб беришади. Бунда савол бера олмаган ёки жавоб бера олмаган 
талаба ўйиндан чиқарилиши белгилаб қўйилади. Бу гуруҳлар ичидаги 
мотивни, қизиқишни, мусобақа руҳини келтириб чиқаради. Шундай қилиб, 
бутун гуруҳ жуфтликларга бўлинади ва ўйин ўқитувчининг қуйидаги 
кўрсатмаси билан бошланади: 
Биринчи талабалар берилган сўзлар ёрдамида жумлалар ясайдилар, 
иккинчи талабалар бу жумлани инкор формада айтиб такрорлайдилар. 
(Биринчи талабалар қўлига масалан, қуйидаги феъллар ёзилган карточка 
берилади: