Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

«Эл мероси» театри. Самарқанд шаҳрининг марказий қисмида, қадимий 
бинода жойлашган «Эл мероси» театри бугунги кунда нафақат ўзбек халқи, 
балки, Ғарб-у Шарқдан келган туристлар эътиборини ўзига жалб қилиб 
келмоқда. 90 кишилик томошабин сиғимига эга бўлган ушбу театрда, миллий 
услубда безатилган шинамгина чойхона ҳам мавжуд бўлиб, ташриф 
буюрувчиларга миллий услубда хизмат кўрсатилади. Шунингдек, меҳмонлар 
театр костюмларида эсдалик учун расмга тушишлари ҳам мумкин.
Театрда актёрлар томонидан бронза давридан то ҳозирги кунгача бўлган 
воқеаликлар мусиқий саҳна кўринишларида намойиш этилади. Актёрлар 
костюмлари саҳна кўринишларини ҳаққоний чиқишига катта ижобий таъсир 
кўрсатади. Бу ерда саклар, массагетлар, оташпарастлар, форс ва суғд 
халқларининг кийимлари, Темурийлар даври кийимлари ва мамлакатимизнинг 
турли вилоятларининг миллий кийимлари намойиш этилади.
Театр костюмлари ўша давр талабидан келиб чиққан ҳолда, аниқ 
ишланган бўлиб, костюмларни ишлашда Эрмитаж музейи, Милан тарихий 

---

61 
музейи, Британия тарихий музейи, Брюсселдаги Қироллик санъати ва тарихи 
музейи, Ўзбекистон Фанлар Академияси қўлёзма ҳамда асарларидан, тарихий 
«Шоҳнома», «Бобурнома», «Зафарнома» асарларидан фойдаланилган. 
 
 
43-расм. Театр актёрлари образлари 
 
Бугунги кунда театрда кўплаб саҳна кўринишлари намойиш этилиб, 
уларга ҳаммоҳанг тарзда ижро давомида миллий чолғу асбоблари куйлари мос 
ҳолда жаранглайди. 
«Худжум» гиламлари. Самарқанддаги «Худжум» гилам фабрикаси 
нафақат Ўзбекистонда, балки яқин чегарадош мамлакатларда ҳам машҳур 
ҳисобланади. Ўз ишининг устаси ҳисобланмиш фабрика ишчилари кўп меҳнат, 
сабр талаб қиладиган заҳматли вазифани кўз нури ва қалб қўрини бериб 
тайёрлайдилар. Замонавий механизмлашган тизимлар мавжуд бўлишига 
қарамасдан, ушбу фабрикадаги гиламлар қўл меҳнати асосида тайёрланади. 
Фабрикага ташриф буюрганларга гилам тайёрлаш жараёни бошидан охиригача 
– гилам тайёр маҳсулот ҳолига бўлгунгача бўлган жараён кўрсатилади.