Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

 
 
44-расм. Гилам тайёрлаш жараёни 

---

62 
Фабрикада ишловчи қизлар жуда узоқ муддат давом этадиган жараённи 
сабр билан қарши олиб, меҳр билан гилам тўқийдилар. Гилам тайёрлаш 
жараёни ниҳоятда кўп вақт талаб этиб, битта гилам тайёр ҳолига келгунча бир 
йиллик меҳнат сарфланади. Гиламдаги шарқона гуллар ва нақшларнинг қай 
даражада мураккаб бўлишига қарамасдан, ҳар бир квадрат сантиметр ўта 
моҳирлик ва синчковлик билан тўлдирилади. Шарқона чирой билан яратилган 
тайёр маҳсулотни эса таърифлашга тил ожизлик қилади. Энг муҳими ипак 
ипларнинг барчаси табиий бўлиб, улар табиий ранглар билан бўялиб 
тайёрланади. Ипак ипларни бўяшда анор пўстлоғи, грек ёнғоғининг почоғи, 
сарсабил ўсимлигининг пояси ва бошқа ранг берувчи табиий рангдор 
маҳсулотлардан фойдаланилади. 
«Шарқ 
тароналари» 
халқаро 
мусиқа 
фестивали 
Ўзбекистон 
Республикасининг Биринчи Президенти Ислом Каримовнинг ташаббуси билан 
1997 йилдан бери ҳар икки йилда бир маротаба ЮНЕСКО шафелигида азим 
Самарқанд шаҳрида ўтказилиб келинмоқда. 
Фестивалнинг асосий мақсади миллий мусиқа санъати дурдоналарини 
кенг оммалаштириш, сақлаш ва мукаммаллаштириш, ўсиб келаётган ёш 
авлодни миллий анъаналарга муҳаббат руҳида тарбиялаш, халқаро маданий 
алоқаларни янада кенгайтириш ҳисобланади.
«Шарқ тароналари» мусиқа фестивали дастурлари доирасида турли 
давлатлардан келган миллий мусиқа ижрочилиги намуналари намойиши, 
шунингдек, мусиқашунослар, композитор ва ижрочилар иштирокидаги илмий-
амалий анжуман ўтказилади.
Дунё халқлари анъанавий мусиқа санъатининг сержило дурдоналарини 
ўзида жамлаган «Шарқ тароналари» мусиқий фестивалининг ранг-баранг 
дастури, йилдан-йилга, нафақат Ўзбекистон, балки Марказий Осиё минтақаси 
ҳамда фестивалда қатнашувчи мамлакатлар учун ҳам муҳим тадбирга айланиб 
бормоқда. 
 
45-расм. Шарқ тароналари халқаро мусиқа фестивали 

---

63 
Фестивалда ғолибликни қўлга киритганлик учун совринлар қиймати Гран 
При учун 10 000 АҚШ доллари, 1-ўрин учун 7 000 АҚШ доллари ҳисобланади.