Ўзбекистон республикаси олий ва ўрта махсус таълим вазирлиги самарқанд давлат университети

Анкета тузилиши. Кириш қисми сўров ўтказаётган ташкилотнинг 
номи, сўровнинг мақсади ва ижтимоий тадқиқот натижаларидан қай 
тахлит фойдаланиш кўрсатиладиган респондентга мурожаатдан иборат 
бўлиб, унда респондентнинг шахсий иштироки аҳамияти ва муҳимлиги 
таъкидланади, жавобларнинг сир сақланиши кафолатланади, анкетани 
тўлдириш қоидалари тушунтирилади. 
Асосий қисм, одатда, бир неча саволлар блокларини ўз ичига олади. 
Биринчи блок ҳақиқий маълумот олишга қаратилади ва унча қийин 
бўлмаган саволлардан ташкил топади. Иккинчи блокда саволлар 
мураккаблашиб 
боради, 
масалан, 
респондентнинг 
қадриятлар 
ориентациялари, ижтимоий мақсадлари, фикрлари ва муносабатлари 
аниқланади. Учинчи блок энг нозик ва назорат саволларидан иборат бўлиб, 
маълумотни чуқурлаштириш ва текширишга қаратилади. 
Анкетанинг демографик қисми респондентнинг ижтимоий мақоми 
ва ижтимоий-демографик тавсифлари, масалан лавозими, касби, оилавий 
аҳволи, жинси, ёши, меҳнат стажи, оиланинг жон бошига тўғри келадиган 
даромади ва ҳоказолар тааллуқли саволлардан тузилади. 
Сўров 
сифатини 
таъминлайдиган 
асосий 
 
қоидалар. 
Биринчидан, фақат маълумот тўплашнинг бошқа йўллари билан, 
масалан, расмий ҳужжатлар орқали жавоб олиш мумкин бўлмаган, асосий
саволларгина киритилиши лозим.
Иккинчидан, саволлар респондентга тушунарли қилиб тузилиши, 
турлича маънолар касб этмаслиги, респондентнинг маълумоти ва 
билимлар даражасига монанд булиши керак. Бунинг учун ҳар бир савол 
синовдан (муҳокамадан) ўтказилади.
Учинчидан, саволлар, умуман олганда, респондент жавоб бера 
оладиган қилиб тузилиши зарур. Бунда хотира омили ва воқеанинг қачон 
юз бергани инобатга олинади. 
Тўртинчидан, саволлар респондентда ижобий реакция уйғотиб, уни 
аниқ жавоб беришга ундаши лозим. Бунинг учун улар етарли даражада 
мантиқли ва мулойим қилиб тузилиши керак.