Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

Таймшер. (Timshare, инглизчадан таржима қилинса «Вақт 
қисми» деган маънони беради) - бу биргаликдаги эгалик, аниқроғи 
клубли жойлаштириш воситаларини улардан маълум вақт ичида 
фойдаланиш ҳуқуқи билан узоқ муддатга ижарага олиш (мисол 
учун, 30-50 ва кўпроқ йил давомида ҳар йили бир ҳафтага) дир. 
Классик таймшер хусусиятлари шундан иборатки, дам олишнинг 
маълум даврига мулк эгаси эканлиги ҳақида сертификат мавжуд 
бўлади. Бир қатор мамлакатларда таймшер мерос қилиб берилиши, 
гаров воситаси, кредитни таъминлаш ва бошқа воситалар сифатида 
фойдаланиши мумкин. 
Ихтисослашган муассасалар ҳам туристларга хизмат
кўрсатиш учун мўлжалланган. Улар номерларга эга эмас. Бу ерда 
бошпана бўлиб бинолар, коллектив ухлашхоналари ёки майдонлар 
хизмат қилади. Ихтисослаштирилган муассасалар тунаш учун жой 
беради. Аммо туристларни жойлаштириш улар учун бош вазифа 
эмас. Бу гуруҳга соғломлаштириш муассасалари (санаториялар, 
реаблитация марказлари, «Соғломлаштириш фирмалари» ва 

---

73 
бошқа.), дам олиш ва меҳнат қилиш, жамоат транспорти 
воситалари, ухлаш хоналари билан жиҳозланган (поезд, кема) 
воситалар, шунингдек конгресс-марказлар типидаги бинолар 
киради. Қайсики улар базасида симпозиумлар, конференциялар ва 
бошқа ихтисослашган тадбирлар ўтказилади ва уларнинг 
иштирокчиларини жойлаштириш амалга оширилади. 
Бошқа коллектив жойлаштириш воситалари. Ўзларига энг 
аввало дам олиш учун мўлжалланган турар жойлар мажмуаси 
(бунгало) уйлар ва бошқаларни қамраб олади. Улар ягона 
бошқарувда 
бўлиб, чекланган 
меҳмонхона 
хизматларини 
кўрсатади. 
Мисол учун, туризм бўйича Ирландия Кенгаши дам олиш 
учун комплекс уйларига қуйидаги талабларни қўяди:
Комплекс камида тўққизта бинодан иборат бўлиши ва улардан 
бирида идорада ифода жойлашиши керак. Бино ўзида алоҳида 
кириш жойлари бўлган капитал қурилишни мужассам этган, яхши 
эксплуатацион ҳолатда бўлиши лозим. Ҳар бир бинода мебелли уй, 
овқатланиш, дам олиш хоналари, шунингдек омборхона, чўмилиш 
(ванна) хонаси ва ҳожатхоналар бўлади. Уйдан ташқарида эса 
фойдаланиладиган кенг-мўл жойлар кўзда тутилади. Жойлаштириш 
воситаси ҳар бир янги яшовчи учун йиғиштирилиб, тайёрланади. 
Унда кўрпа-тушакларни йиғиштириш ва бинони супириш –
сидиришда мижозга хизмат кўрсатилмайди. 
Коллектив жойлаштиришнинг бошқа воситалари таркибига 
кемпинглар учун майдонлардаги объектлар кичик кемалар учун 
бухталар киради. 
Кепинглар – автотуристлар учун қўриқланадиган ва яхши 
жиҳозланган майдонлари бор лагерлардир. Улар энергия 
таъминоти, канализация тизими билан жиҳозланган мажмуасидир. 
Кемпингда автомобиллар турадиган алоҳида махсус жойлар 
ажратилган бўлиб, шунингдек автомобилларни профилактик 
кўрикдан ўтказадиган, ювиш ва таъмирлаш устахонасига эга 
бўлади. Бундан ташқари кемпингда автотуристларга бир қатор 
ахборот, савдо, вақтни мазмунли ўтказиш хизматлари тақдим 
этилади. Уларнинг сифати ва ассортиментига қараб кемпингларга 
маълум категория – бирдан тўртгача юлдуз берилади. Юқори 
категорияли лагерлар автотуристлар учун теннис кортлари, 
бассейнлар, сауналар, сув аттракционларига эга бўладилар. Вақтни 
мазмунли ўтказиш марказлари ташкил қиладилар. Спорт ва кўнгил 

---

74 
очиш объектларидан ташқари, уларда савдо ва овқатланиш 
корхоналари, кир ювиш, алоқа бўлимлари, прокат пунктлари 
бўлади. Булар кўпинча кўп профили кечаю-кундуз ишловчи 
меҳмонхоналар, турбазалар ва мотеллар таркибига киради.