Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

4.3. Хизматлар пакети. 
Комплекс хизмат кўрсатиш ўз ичига туристик хизматлар 
тўплами турпакетни олади. Туризмда хизматлар турли тумандир: 
жойлаштириш, овқатлантириш, ташиш, экскурсион, дам олиш-
кўнгилочар ва маиший хизматлар, спорт ва курорт дастурлари, 
туристик сафарлар ва ҳ.к. 
Туристик амалиётда асосий ва қўшимча хизматлар 
тушунчалари амал қилади. Улар ўртасида қандай фарқ бор? 
Истеъмолчилик ҳусусиятлари нуқтаи назаридан улар ўртасида ҳеч 
қандай фарқ мавжуд эмас. Экскурсиялар агар улар турнинг 
нархига ва комплекс хизмат кўрсатишига киритилган бўлса улар 
асосий хизматлар ҳисобланади, аммо агар турист ўз ҳоҳишига 
биноан тўланган турга қўшимча равишда яна бирор экскурсияни 
ҳарид қилса, бу қўшимча хизматга айланади. Шундай қилиб асосий 
ва қўшимча хизматлар ўртасидаги фарқ уларнинг турист томонидан 
дастлабки сотиб олинган турга алоқадорлигига боғлиқ. 
Амалиётда асосий туристик маҳсулот бу хизмат кўрсатиш 
комплексидир, яъни туристларга ягона пакетда сотилувчи 
хизматларнинг стандарт тўплами. Хизматлар пакети (турпакет) - 
туроператор томонидан яратилган ва маълум хизматлар тўплами: 
ташиш, жойлаштириш, овқатланиш, экскурсиялар ва ҳ.к. хизматлар 
тўпламидан иборат туристик маҳсулотдир. Турдаги хизматлар 
пакети турист томонидан танланган туристик дам олиш тури 
бўйича уларнинг эҳтиёжлари ва саёҳат мақсадидан келиб чиққан 
ҳолда шакллантирилади. Тур ва унинг пакетини шакллантиришда 
туристлар билан ишлашнинг икки варианти мавжуд:
1) буюртмали турлар сотилиши; 
2) инклюзив турлар сотилиши. 
Буюртмали тур. Буюртмали турларнинг сотишда дастурни 
шакллантириш ва хизматлар таркибини яхлитлаш турист ҳоҳишига 
биноан, унинг бевосита иштирокида амалга оширилади. Туристга 
таклиф этилаётган дам олиш масканида турли хил тур 
хизматларнинг ҳар бири бўйича турли хизмат кўрсатиш 
вариантлари таклиф этилади: 

---

42 
· 
жойлаштириш-жойлашган жойи ва тури, даражаси бўйича 
турли хил меҳмонхоналар; 
· 
овқатланиш-турли вариантлар (тўлиқ ёки тўлиқ ярим 
пансион, ёки умуман овқатланишсиз) швед столи ёки “аля 
корт” ва х.к.; 
· 
экскурсиялар, харид-кўнгилочар хизматлар; 
· 
транспорт хизматлари – авиаучиш вариантлари, темирйўл 
ташувлар, автомобиль ижараси ва ҳ.к. вариантлари; 
· 
спорт ва даволаниш курорт хизматлари; 
· 
виза хизматлари, шунингдек суғурта хизматлари. 
Юқорида айтилганидек бундай турларни тузишда туристнинг 
ўзи бевосита иштирок этади. Турист томонидан таланган хизматлар 
тур дастурига шакллантирлади. Нарх ҳисобланади, уни турист 
турпакетга эга бўлгач тўлайди. Одатда бундай буюрмалар 
агентликларда шакллантирилади ва сўнг жорий учун туроператорга 
йўналтирилади. Буюртмаларнинг тез ва сифати ажралишини 
таъминлаш учун бугунги кунда халқаро туризмда турагентликлар 
ва операторлик компаниялари томонидан замонавий компьютер 
технологияларидан фойдаланмоқда. Халқаро туризмда пакетни 
яхлитлаш муаммолари, нархни ҳисоблаш ва турни сотишни 
оператив ҳал қилиш учун компьютер ва телефакс алоқасидан кенг 
фойдаланилади.