Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

Туристик талаб деганда - тўлаш имкониятига эга бўлган
ахолининг турмахсулотга бўлган талаби тушинилади. Туристик 
талаб амалдаги нарх-наволарда ахоли томонидан аниқ бир туристик 
-экскурсия хизматларини сотиб олиши билан белгиланади. 
Бозордаги талабга мувофиқ туризмда таклифлар вужудга 
келади, яъни турист учун унинг дам олиши ва саёҳати жараёнида 
лозим бўлган турли хилдаги хизматлар шулар жумласига киради. 
Таклифлар-бу махсулот ишлаб чиқарувчининг бозорга талаб 
қилинадиган аниқ махсулотни етказиб бериш учун идеал 
тайёргарлик ва аниқ имкониятга эга бўлиши тушунилади. Бу 
ҳолатда таклифлар ишлаб чиқариш билан бир хил бўлмаган холда 
ундан сони жихатидан фарқ қилади. Аниқ бир туристик махсулот 
(маршрут)нинг таклиф қилинадиган сони бозордагидан юқори 
бўлиши мумкин. Туристик махсулотга бўлган таклиф - ишлаб 
чиқарилган махсулот сони, туристик индустриянинг ривожланиш 
даражасига ва туристик ресурслар хажмига боғлиқ (шаклланади) 
бўлади. 
Талаб ва таклиф ўртасида ўзаро боғлиқлик бўлади: талаб 
фақатгина таклифни юзага келтирмайди, бундан ташқари таклиф 
аниқ бир тарзда талабга таъсир кўрсатади. Масалан: туристик 
хизматга боғлиқ бўлган талаб хажми унга бўлган нарх 
кўтарилганда ортиб боради, нарх тушса таклифлар сони ҳам 
камаяди. 
Туристик бозорда туристнинг хизматга бўлган талаби учун 
пул 
воситасининг 
алмашинуви 
содир 
бўлади. 
Мувофиқлаштирилган холатдаги алмашинувда бир томондан 
туристик махсулот иккинчи томондан эса туристик индустриянинг 
кириб келиши учун шароит яратилади. Туристик бозор ўзининг 
қабул қила олиш чегараси (сиғимдорлиги) билан тавсифланади, 
яъни аниқ бир белгиланган даврда (мавсум) бир йилда) белгиланган 
туристик махсулотни амалдаги нархлар ва таклифларга мувофиқ 
сота олишидир. 

---

26