Ўзбекистон республикаси олий ва ўрта махсус таълим вазирлиги ўрта махсус касб-ҳунар таълими маркази

Фаннинг мақсади ва вазифалари

«Тадбиркорлик ва бизнес асослари» фанини ўқитишдан мақсад, бозор муносабатлари шароитида касб-ҳунар коллежлари талабаларига бизнес ва тадбиркорлик асослари Кўникмаларини ўрганишлари учун амалий билимлар мажмуасини беришдан иборатдир. Ушбў фаннинг асосий вазифалари қуйидагилар:

Фан бўйича ўқувчиларнинг билими, кўникма ва малакаларига қўйиладиган талаблар


Фанни ўрганиш натижасида ўҳувчилар қуйидаги кўникмалар ва билимларга эга бўлишлари керак:

• 
  талабаларнинг тадбиркорлик соҳасидаги маънавиятини шакллантириш ва ҳуқуқий тарбиясини таркиб топтириш, кўникмаларини ўргатиш;
  
• 
  тадбиркорликни ривожлантириш, рағбатлантириш, унга кенг йўл бериш, тадбиркорлик фаолиятини кафолатлаш тўғрисидаги Кўпгина қонун ва фармонларни, яъни тадбиркорликнинг ҳуқуқий, меъёрий ва ташкилий асосларини;
  
• 
  кичик бизнес ва хусусий тадбиркорлик корхоналарини ташкил этиш жараёнларини, бизнесни амалга ошириш босқичлари, бизнесдаги ахлоқ маданияти, бизнес- режани тузиш қоидаларини мукаммал билиш;
  
• 
  жаҳон андозалари даражасида олинган назарий билимларини амалиётда қўллай билиш.
  

Фаннинг ўқув режадаги бошқа фанлар билан ўзаро боғлиқлиги, услубий жиҳатидан узвийлиги ва кетма-кетлиги
«Тадбиркорлик ва бизнес асослари» фани ўқув режасидаги бошқа иқтисодий фан соҳалари билан узвий боғланиб кетади ва улар бир-бирларини тўлдирадилар. Масалан: микроиқтисодиёт, молия, солиқ тизими, бўхгалтерия ҳисоби ва аудит, иқтисодиёт асослари, иқтисодиёт назарияси, маркетинг, молия бозори ва биржа иши ҳамда банк иши каби бошқа фанлар билан боғлиқдир, услубий жиҳатидан узвий ва кетма-кетдир.


Фанни ўқитишда замонавий ахборот ва педагогик технологиялардан фойдаланиш учун тавсиялар.
Муаммоли, табақалаштирилган, индивидуаллаштирилган,компютерли, тўлиқ ўзлаштириш ўқитиш технологиялари ёрдамида талабаларнинг билим имкониятлари ва ижодий қобилиятларини ривожлантиришга йўналтирилган.