Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Фаннинг мақсади ва вазифалари
«Мева-сабзавот маҳсулотларини қайта ишлаш жараёнлари машина ва жихозлари» фанини ўқитишдан мақсад, замонавий техника ва технологиянинг тараққиёти асосида ўсимлик хом ашёларини қайта ишлаш натижасида юқори сифатни ва унумдорликни таъминловчи замонавий ускуналар билан жиҳозланиши ҳақидаги тушунчага эга бўлишдир. Фанни ўқитиш давомида ўқувчиларга консервалашдаги қўлланиладиган замонавий жиҳоз ва ускуналар ҳақида тушунча берилади. Жиҳоз ва ускуналарни синфланиш тамойиллари билан таништирилади. Бу билан ўқувчилар ҳар қандай технологик жараёнларда танланган ускуналарни ишлаш жараёнларини ва улардан фойдаланишни бажара олишга эришадилар.
Бу фаннинг вазифаси ўқувчиларга ассортименти бўйича қайта ишланган мева-сабзавот маҳсулотлари ишлаб чиқаришда қўлланиладиган замонавий ускуна ва жиҳозларни ишлата олишни ўргатишдир.

1. 
   Фан бўйича билим, малака ва кўникмага қўйиладиган талаблар
   

«Мева-сабзавот маҳсулотларини қайта ишлаш жараёнлари машина ва жихозлари» ўқув фанини ўзлаштириш жараёнида амалга ошириладиган масалалар доирасида ўқувчи:

• 
  ускуналар тавсифи;
  
• 
  технологик линиялардаги ускуналар таркиби;
  
• 
  ускуналарнинг тузилиши ва ишлаш қоидалари, ишлатиладиган материалларни танлаш, ускуналарни таъмирлаш ва хизмат кўрсатишни ташкил қилиш;
  
• 
  ускуналарнинг узлуксиз ишлашини,
  

сувни, электроенергияни, хом ашёдан тўлиқ фойдаланилган ҳолда ҳар хил маҳсулотларни кенг ассортиментини ишлаб чиқариш;

• 
  технологик жараёнларнинг принтсипиал схемаси ҳақида тасаввурга эга бўлиши;
  
• 
  ускуналарни таъмирлаш турлари ва хизмат кўрсатишни;
  
• 
  маълум технологик жараёнлар учун ҳисоблаш асосида жиҳоз танлаш, янги машина ва аппаратларни ишга тушириш ва созлашни билиши ва улардан фойдалана олиши;
  

• 
  хом ашёга иссиқлик ишлов бериш усулларини амалиётда қўллай олиш;
  
• 
  стериллаш қурилмаларидан фойдаланишни;
  
• 
  атроф-муҳит ва санитар меъёрлари талабларига тўғри риоя қилиш кўникмаларига эга бўлиши керак.