Ўзбекистон республикаси олий ва ўрта махсус таълим вазирлиги олий таълимнинг

III. Асосий қисм 
 
3.1. Локализация мақсадлари: 
 
“Фотон” ОАЖ корхонаси мамлакатимиз бозорида электрон 
маҳсулотлар ишлаб чиқариш бўйича етакчи компаниялардан бири 
ҳисобланади. Ишлаб чиқарётган маҳсулотларнинг нархи хорижий 
ишлаб чиқарувчиларга нисбатан арзон. Маҳсулотлар тез ва 
истеъмолчи учун қулай тўлов шартлар асосида етказиб берилади. 
Компания маҳсулотларини маҳаллийлаштиришдан асосий 
мақсад бу импортга бўлган боғлиқликни пасайтириш ҳамда ишлаб 
чиқарилаётган товарлар нархини арзонлаштиришдан ва шу орқали 
сотув даражасини кўтаришдан иборат. 
Компания бир қатор маҳсулотлар ишлаб чиқаради, аммо 
локализация дастури сифатли бўлиши учун ҳозирда у энг долзарб 
бўлган электрон жиҳозларни, яъни телевизор ва қуёш батареялари 
каби товарларни маҳаллийлаштиришдан бошлади. Бунинг асосий 
сабаби бўлиб, ушбу яратилаётган товарларга аҳоли, юридик шахслар 
ва ташқи бозордаги диллерларнинг эҳтиёжи катталиги ҳисобланади. 
Шунингдек, ишлаб чиқарилаётган маҳсулотнинг бир қисмини 
хорижга экспорт қилиш барқарор валюта тушумини мамлакатга олиб 
кириш имконини беради. 
Компания ўз олдига мамлакатимиздаги маиший техникаларига 
сезилаётган эҳтиёжларни ўрганган ҳолда, ушбу талабни тўлароқ 
қондириш ва фойда олишни мақсад қилиб қўяди. 2008 йилда 

---

281 
компания ташқи бозорларга кириб бориш стратегияси асосида 
маҳсулотлар экспортини ўртача 15 %га оширди. Россия, Белоруссия, 
Украина маиший техника ишлаб чиқариш бозорлари ўрганилади. 
Тадқиқот натижаларига таянган ҳолда телевизор ва қуёш батареялари 
етказиб бериш учун вилоят худудларида омборхоналар, дилерлик 
марказлари ташкил этади ва ташқи бозорда савдо уйлари билан 
шартномалар тузади. 
3.2. Локализация дастури учун SWOT-таҳлил: